დატბორილი სახლები, ევაკუირებული მოსახლეობა და სატრანსპორტო კავშირების დარღვევა – დასავლეთ საფრანგეთში სტიქია კვლავ მძვინვარებს. კოკისპირული წვიმებით გამოწვეული წყალდიდობის შედეგად, წითელი განგაშის დონე შენარჩუნებულია ლუარ-ატლანტიკის, შარანტ-მარიტიმის და მენ-ე-ლუარის დეპარტამენტებში. ჟირონდისა და ლო-ე-გარონის დეპარტამენტებში განგაშის დონე ნარინჯისფრამდე შეამცირა.
მედიის ცნობით, 37-დღიანი წვიმიანი ამინდის გამო, საფრანგეთი აღრიცხვის დაწყებიდან, 1959 წლიდან, ყველაზე ხანგრძლივ ნალექის პერიოდს განიცდის.
როგორ ფრანგული მედია წერს, ამჟამად 18 დეპარტამენტში ნარინჯისფერ განგაშის სიგნალი მოქმედებს. აქედან 14 დეპარტამენტი წყალდიდობის რისკის გამო მაღალი მზადყოფნის რეჟიმშია.
წყალდიდობის შედეგად, ქალაქები დაზიანდა მდინარეების გარონის, ლუარისა და შარანტის ხეობებში. დატბორილ რაიონებში ევაკუაცია გამოცხადდა. როგორც მედია იუწყება, ძლიერი წვიმების დაწყებიდან 2000-ზე მეტი სამაშველო ოპერაცია ჩატარდა და 1750 ადამიანია ევაკუირებული.
admin