რას გვირჩევენ ვარსკვლავები 19 თებერვლისთვის ჯანმრთელობის, ბიზნესის და სიყვარულის მიმართულებით?
ვერძი
ნამდვილ სიყვარულს სახლიდან შორს, მგზავრობის დროს იპოვით. ამ დღეს მოერიდეთ მენტორულ ტონს, ეს საერთოდ არ გიხდებათ და ბევრს გაანაწყენებთ! მოულოდნელ დაბრკოლებას გვერდს აუვლით და დაწყებულ საქმეს წარმატებით დაასრულებთ.
შეეშვით ოცნების კოშკების აგებას – თუ მოქმედებას არ დაიწყებთ, თქვენი ოცნებები ოცნებებად დარჩება. ბედისგან საჩუქრებს ნუ ელით – ამ დღეს მხოლოდ საკუთარი თავის იმედი უნდა გქონდეთ. წინ რთული და დატვირთული დღეა. აქტიურობა დიდ ენერგიას მოითხოვს, ამიტომ წინა ღამით კარგად გამოძინება არ დაგავიწყდეთ.
კურო
სავარაუდოდ, იმ ადამიანის ყურადღებას მიიპყრობთ, რომელიც დიდი ხანია მოგწონთ, თუმცა რომანის დაწყების შანსი მაინც მცირეა. შესაძლოა, დაუფიქრებლად ნათქვამი სიტყვის გამო ნათესავებთან ან მეზობლებთან უთანხმოება მოხდეს.
საქმიან სფეროში ახალი კავშირების დამყარების, მოლაპარაკებების წარმატებით დასრულებისა და გავლენიანი ადამიანების მხარდაჭერის შესაძლებლობა გაჩნდება. დღევანდელი წარმატების საიდუმლო სიმარტივეშია. საყოფაცხოვრებო პრობლემების მოგვარებაში უფროსი ნათესავები დაგეხმარებიან.
გირჩევთ, ჯანმრთელობას მეტი ყურადღება მიაქციოთ და გაციებას მოერიდოთ – არსებობს ანთებითი პროცესების განვითარების საფრთხე.
ტყუპები
ჰკითხეთ საკუთარ თავს – ურთიერთობაში ყველაზე დიდ სიხარულს რა განიჭებთ? გულწრფელი პასუხი ბევრ რამეს მიგახვედრებთ. თუ შეთანხმებას და კომპრომისზე წასვლას შეძლებთ, ურთიერთობაში პრობლემები არ გექნებათ. ახალ საქმეებს თამამად შეეჭიდეთ — ვარსკვლავების კეთილგანწყობა წარმატებაში დაგეხმარებათ.
ფრთხილად იყავით, რომ არაკეთილმოსურნეებმა პროვოკაციაზე არ წამოგაგონ – სიმშვიდე შეინარჩუნეთ და მკვეთრ გამოთქმებს მოერიდეთ. თუ ფინანსური კეთილდღეობისკენ ისწრაფვით, იცოდეთ, რომ მიზნის ასრულების გზაზე დგახართ. ნეგატიურ ფიქრებს უფლებას ნუ მისცემთ, რომ განწყობა გაგიფუჭონ – ეცადეთ, ყურადღება ცხოვრების ნათელ მხარეებზე გადაიტანოთ.
ასაკოვან ტყუპებში მოსალოდნელია არტერიული წნევის ცვალებადობა, ამიტომ დიდ ფიზიკურ და ემოციურ დატვირთვას მოერიდეთ.
კირჩხიბი
მოსალოდნელია, რომ საყვარელმა ადამიანმა საჩუქარი მოგიძღვნათ – ეცადეთ, იმავეთი უპასუხოთ. მხოლოდ სხვის აზრს ნუ დაეყრდნობით – სჯობს საკუთარი შეცდომები დაუშვათ, ვიდრე მთელი ცხოვრება სხვისი გამოცდილებით იცხოვროთ. ნუ მოჰკიდებთ ხელს საქმეს, თუ მის წარმატებაში დარწმუნებული არ ხართ, რადგან მარცხი თქვენს ავტორიტეტს შელახავს.
დღის მეორე ნახევარი ოჯახს დაუთმეთ. ვარსკვლავები ამბობენ, რომ ბედი ხელსაყრელ შანსს გიმზადებთ – ერთ-ერთი ასეთი შესაძლებლობა გავლენიან ადამიანთან შეხვედრაა, რომელიც შეიძლება თქვენი მფარველი გახდეს.
მეტი იმოძრავეთ! უმოძრაო ცხოვრების წესი არა მხოლოდ სხეულს ვნებს, არამედ შემოქმედებით სტაგნაციასაც იწვევს.
ლომი
ეს დღე პარტნიორთან ურთიერთობის მოსაგვარებლად იდეალურია. ყურადღებით დააკვირდით მიმდინარე მოვლენებს და სიტუაციის მიხედვით იმოქმედეთ. დღის პირველ ნახევარში შრომატევადი სამუშაო და სხვადასხვა ადამიანთან ურთიერთობა გელით. გაჩნდება ცდუნება შეიძინოთ ნივთი, რომელიც არაფერში გჭირდებათ. ეცადეთ ცდუნებას გაუმკლავდეთ, თორემ ხარჯები შემოსავალს გადააჭარბებს და ჯიბეცარიელი დარჩებით.
მოერიდეთ სიმძიმეების აწევას, რომ სახსრები არ დაიზიანოთ. საღამოს ივარჯიშეთ – წყლის პროცედურები და აუზი დღეს განსაკუთრებით სასარგებლო იქნება. დღის მეორე ნახევარი საკუთარ თავს დაუთმეთ – სილამაზის სალონში ან გამოფენაზე წადით ან, უბრალოდ, პარკში გაისეირნეთ.
ქალწული
ახლობელი ადამიანის კრიტიკამ შეიძლება გული გატკინოთ, თუმცა იქნებ მის სიტყვებში სიმართლის მარცვალიც ურევია? იზრუნეთ ახლობლების ჯანმრთელობაზე და ერთობლივი გასეირნება ან ვარჯიში შესთავაზეთ. შესაძლოა, დავიწყებული ვალი დაგიბრუნონ ან სხვაგვარ კომპენსაცია მიიღოთ, რომელსაც არ ელოდით.
თქვენი სასიცოცხლო პოტენციალი მაღალია – ენერგიულობა და ინტუიცია იმატებს. მომდევნო 24 საათის განმავლობაში ძალების მოზღვავებას იგრძნობთ.
ხელმძღვანელობასთან ურთიერთობისას თავშეკავება გამოიჩინეთ – ნაჩქარევ დაპირებებს ნუ გასცემთ და უკვე აღებულ ვალდებულებებს პასუხისმგებლობით მოეკიდეთ.
სასწორი
ამ დღეს ნუ ეცდებით, რომ მეტისმეტად ჭკვიანი და სერიოზული იყოთ. შეგიძლიათ გაერთოთ და თავს მსუბუქი ფლირტის უფლება მისცეთ. შესაძლოა, ოჯახში მოულოდნელი მოვლენები განვითარდეს, მაგრამ ნუ ინერვიულებთ – ნებისმიერ სირთულეს ადვილად გაუმკლავდებით! საქმიან სფეროში პოზიტიური ტენდენციები გრძელდება, რაც ბევრს კარიერულ წინსვლაში დაეხმარება.
ყურადღებით მოუსმინეთ ადამიანს, რომელიც ყოველთვის ბევრ ინფორმაციას ფლობს – შესაძლოა, მისგან სასარგებლო ინფორმაცია მოისმინოთ. მფლანგველობას მოერიდეთ, რადგან მალე გაუთვალისწინებელი ხარჯები გელით. უსმინეთ საკუთარ სხეულს – თუ დაღლილობას იგრძნობთ, დასაძინებლად ადრე დაწექით.
მორიელი
ახლა თქვენთვის პირველ ადგილზე სიყვარულია – სამუშაომ და საყოფაცხოვრებო საქმეებმა შეიძლება მოიცადონ. ხელსაყრელი დროა საცხოვრებელი ადგილის შეცვლის, დიდი შესყიდვების ან რემონტისთვის. შორ გზაზე გამგზავრებისგან ჯერჯერობით თავი შეიკავეთ და ბევრი საქმის ერთდროულად კეთებას ნუ ეცდებით – ეს წარმატებას არ მოგიტანთ.
შემთხვევით გაცნობილ ადამიანებთან ურთიერთობისას სიფრთხილე გამოიჩინეთ, რათა ვინმეს მზაკვრული გეგმის მსხვერპლი არ გახდეთ. ვარსკვლავები ბიზნესმენებს ურჩევენ, რომ ხელშეკრულებების იურიდიულ მხარეს განსაკუთრებული ყურადღება მიაქციონ.
საუკეთესო დღეა ენერგეტიკული განახლებისა და შინაგანი ჰარმონიის მოსაპოვებლად – შეხვდით მათ, ვინც სულიერად ახლოსაა თქვენთან.
მშვილდოსანი
ქათინაურები არ დაიშუროთ, აღფრთოვანება გამოხატეთ და ხაზი გაუსვით საყვარელი ადამიანის დადებით თვისებებს. ეს თქვენს შორის ურთიერთობას უფრო თბილს და ჰარმონიულს გახდის. ეს დღე სასიხარულო ამბით დაგამახსოვრდებათ. ახლობელი ადამიანი სიურპრიზს გიმზადებთ, რომლის შესახებ მალე გაიგებთ.
მოერიდეთ საკუთარი სიმართლის დასამტკიცებლად ხელმძღვანელობასთან დაპირისპირებას – ეს აზრს მოკლებული და სახიფათოა. დღის მეორე ნახევარი ფინანსური საკითხების მოსაგვარებლად ხელსაყრელი დროა.
შესაძლოა, ენერგიის დაქვეითება იგრძნოთ. კარგი დროა სტომატოლოგთან ვიზიტისა და პროფილაქტიკური შემოწმებისთვის.
თხის რქა
შესაძლოა, საყვარელ ადამიანთან დროებით დაშორება მოგიწიოთ, თუმცა ნამდვილ სიყვარულს დრო და მანძილი ვერაფერს აკლებს. დღევანდელი გარემოებები დაგანახვებთ, რომ თქვენ და თქვენი პარტნიორი ბევრ საკითხს სხვადასხვანაირად აფასებთ. შეეცადეთ, ამას ფილოსოფიურად მიუდგეთ – ერთფეროვნებას აზრთა სხვადასხვაობა ჯობია. ნებისმიერ საქმეს მშვიდად და გულმოდგინედ მოეკიდეთ – სიჩქარე და სარისკო მოქმედებები ცუდ სამსახურს გაგიწევთ.
გამოცდილი ფინანსისტებისთვის რჩევის კითხვა ნუ მოგერიდებათ – მათი დარიგება შეცდომებს აგარიდებთ. დროა, სირბილი, ცურვა ან ვარჯიში დაიწყოთ – ეს თქვენს გარეგნობაზე დადებითად აისახება.
მერწყული
პირად ურთიერთობებში პრობლემები თქვენი სიჯიუტიდან მომდინარეობს – გინდათ, რომ ყველაფერი ისე იყოს, როგორც სწორად მიგაჩნიათ. საკუთარ თავზე იმაზე მეტს ნუ აიღებთ, ვიდრე შეგიძლიათ. გონებას საყოფაცხოვრებო წვრილმანებით ნუ გადაიტვირთავთ.
თქვენი სასიცოცხლო პოტენციალი მაღალია, თუმცა ჭარბმა ენერგიამ შეიძლება კოლეგებთან ურთიერთობაში სირთულეები გამოიწვიოს. დაოჯახებულ მერწყულებს ვარსკვლავები ემოციების კონტროლს ურჩევენ, განსაკუთრებით ფინანსურ დავებში.
ჯანმრთელობის მხრივ საფრთხე არ გემუქრებათ, მთავარია ეჭვიანობასა და შიშებს არ აჰყვეთ.
თევზები
მშვენიერი დღეა იმისთვის, რომ საყვარელ ადამიანთან ერთად კულტურული დასვენება დაგეგმოთ: წადით კონცერტზე, კინოში ან რესტორანში.
დღეს ოჯახურ ცხოვრებაში ცვლილებების მძაფრი სურვილი გაჩნდება – სავარაუდოდ, რემონტზე დაიწყებთ ფიქრს, თუმცა ოჯახის სხვა წევრების დაყოლიება გაგიჭირდებათ. კარგად შეისწავლეთ ბაზარი – ვარსკვლავები ვარაუდობენ, რომ მოგებიანი გარიგებების შანსი მოგეცემათ. შესაძლოა, ხელფასი ან სხვა სახის შემოსავალი დაგვიანებით მიიღოთ – მოთმინება შეინარჩუნეთ და საგადასახადო ვალდებულებები გადაამოწმეთ.
ბოლო დროს დიდი ენერგია დახარჯეთ, ამიტომ დროა გააკეთოთ ის, რაც ძალების აღდგენაში დაგეხმარებათ.
admin