რას გვირჩევენ ვარსკვლავები 18 თებერვალს ჯანმრთელობის, ბიზნესის და სიყვარულის მიმართულებით?
ვერძი
ამ დღეს სიყვარულის პლანეტა ვენერა თქვენს მხარესაა – დროა, საყვარელი ადამიანი პაემანზე დაპატიჟოთ! ეს საუკეთესო შანსია, რომ თქვენი გრძნობები კიდევ ერთხელ დაანახვოთ.
ფრთხილად იყავით – ყველა სიტყვაში ფარული აზრის და მინიშნების ძებნამ შეიძლება დაპირისპირებამდე მიგიყვანოთ. სამსახურში თქვენი იდეები ცოტა მოულოდნელი იქნება, მაგრამ ხელმძღვანელობისგან მხარდაჭერას მიიღებთ. დილის საათები ხელსაყრელია კარიერული ცვლილებებისთვის, განსაკუთრებით მათთვის, ვისაც მენეჯერის პოზიცია სურს. უსიამოვნო ფიქრებმა დეპრესიაში რომ არ ჩაგაგდოთ საქმით დაკავდით – მუშაობა ცუდ ფიქრებს კარგად ფანტავს.
კურო
შეყვარებულ კუროებს საყვარელ ადამიანთან ურთიერთობაში დადებითი ცვლილებები ელით. ამ დღეს შესაძლებლობა გექნებათ, პერსპექტიული პროექტი სასურველი შედეგით დაასრულოთ. ეცადეთ, პროფესიულ მოვალეობებსა და სიყვარულთან დაკავშირებულ საქმეებს შორის წონასწორობა შეინარჩუნოთ. გამორიცხული არ არის, რომ ფინანსურ საკითხებზე უთანხმოებამ ოჯახის წევრებს შორის კონფლიქტი გამოიწვიოს. სკანდალის თავიდან ასაცილებლად, ეცადეთ, ყველა მსხვილი შენაძენი წინასწარ შეათანხმოთ.
დღეს თქვენი ნიშნის ზოგიერთ წარმომადგენელს შეიძლება საჭმლის მომნელებელი სისტემის პრობლემები დაეწყოს. ეცადეთ, ზედმეტი საკვების მიღებისგან თავი შეიკავოთ და ახალი, უცნობი კერძები არ დააგემოვნოთ.
ტყუპები
ფრთხილად იყავით – ახალი ნაცნობობა უსიამოვნებებს მოგიტანთ. ეს ურთიერთობა ვნებიანი, მაგრამ სახიფათო იქნება. გირჩევთ, დღის გეგმა წინასწარ შეადგინოთ და ყურადღება მთავარ ამოცანებზე გაამახვილოთ. ამ დღეს ჩანაფიქრის განხორციელება დიდ დროს და ენერგიას წაგართმევთ, თუმცა ეცადეთ, ახლობლებს პრობლემების მოგვარებაში დაეხმაროთ, საღამო კი ოჯახურ გარემოში გაატაროთ.
ფულის ხარჯვის დროს ზომიერება უნდა გამოიჩინოთ და უსარგებლო შენაძენზე უარი თქვით. ვისაც გულ-სისხლძარღვთა სისტემის დაავადებები გაწუხებთ, მეტი სიფრთხილე გმართებთ — შესაძლოა ქრონიკულმა დაავადებებმა თავი შეგახსენონ.
კირჩხიბი
გახსოვდეთ, რომ კამათი ნებისმიერი ურთიერთობის ნაწილია — მთავარია, შექმნილი ვითარებიდან გამოსავალი იპოვოთ. ამ დღეს ნათესავი ან მეგობარი ქალის რჩევას არ უნდა ენდოთ – საეჭვოა, რომ ის გულწრფელი ან სასარგებლო იყოს.
გირჩევთ, ოფიციალური შეხვედრები სამომავლოდ გადადოთ. ფრთხილად იყავით – მდიდარმა ფანტაზიამ შეიძლება ფუჭი იმედები გაგიჩინოთ. სამსახურში მშვიდი დღე გელით – შეგიძლიათ, რომ მომავალი ნაბიჯები, შვებულება ან წვრილმანი საყიდლები დაგეგმოთ.
საღამოს შეიძლება თავის ტკივილმა შეგაწუხოთ. ამ მცირე დისკომფორტს ნუ მისცემთ უფლებას, რომ დღე გაგიფუჭოთ.
ლომი
ყოყმანის დაძლევის და საკუთარ გრძნობებსა თუ მოქმედებებში წონასწორობის პოვნის დღეა. მხოლოდ იღბლის იმედად ნუ იქნებით – თქვენი ენერგიულობა სამსახურში წარმატებას მოგიტანთ. მთვარე განსაკუთრებით ქალბატონებს მფარველობს. გირჩევთ, პრიორიტეტული ამოცანები გამოყოთ და მათ მოგვარებას შეუდგეთ — ეს თქვენს ფინანსებზე დადებითად აისახება.
ძვირად ღირებული ნივთების შეძენას მოერიდეთ – ყურადღება გაფანტული გაქვთ და შეიძლება ნივთის ნაკლი ან „გაბერილი ფასი“ ვერ შეამჩნიოთ. აკონტროლეთ ემოციები, რომ ოჯახის წევრს უსამართლო შენიშვნით გული არ ატკინოთ.
ქალწული
მოერიდეთ პირადი ცხოვრების მეგობრებთან და ნაცნობებთან განსახილველად – ნუ მისცემთ ჭორიკანებს თქვენს ცხოვრებაში ჩარევის უფლებას.
დღეს „მეორე სუნთქვა“ გაგეხსნებათ და მნიშვნელოვანი საკითხების მოგვარებას შეძლებთ. განსაკუთრებული ყურადღება მიაქციეთ საქმიან ქაღალდებს – ხელშეკრულებების გაფორმებისას ან კურიერულ მომსახურებაში მოსალოდნელია შეფერხებები.
მოერიდეთ სტრესულ სიტუაციებს, რადგან ამ დღეს შეიძლება ნებისმიერმა წვრილმანმა წონასწორობიდან გამოგიყვანოთ.
სასწორი
პარტნიორის საყვედურების მოსმენა მოგბეზრდათ, მაგრამ ეს ჩხუბის მიზეზი არ უნდა გახდეს. ვარსკვლავები გირჩევენ, რომ ურთიერთობაში მცირე პაუზა აიღოთ და ყურადღება სხვა რამეზე გადაიტანოთ. ნუ იქნებით მეორე ნახევრის მიმართ ზედმეტად მომთხოვნი — შესაძლოა, თქვენი პრეტენზიები არც ისე სამართლიანია. თუ ფინანსების სფეროში მუშაობთ, შესაძლოა საქმიან ქაღალებთან მუშაობამ ისე ჩაგითრიოთ, რომ სხვა ყველაფერი დაგავიწყოთ.
შემოქმედებითი საქმიანობა შეიძლება არა მხოლოდ გატაცებად, არამედ შემოსავლის წყაროდაც იქცეს — ვარსკვლავები გირჩევენ, რომ თქვენი ნიჭის მონეტიზაცია სცადოთ. თუ ვარჯიშის დაწყებას აპირებთ, საუკეთესო დღეა, ოღონდ ზედმეტად ნუ გადაიტვირთებით.
მორიელი
თუ ურთიერთობა თანდათან ცივდება, მალე შეიძლება პრობლემას სხვა კუთხიდან დაინახოთ. ჰარმონიული ურთიერთობის გასაღები ახლა ოჯახის წევრების მოსმენაშია.
ვარსკვლავები გირჩევენ, რომ საპასუხისმგებლო საქმე გეგმის გარეშე არ დაიწყოთ – მხოლოდ ინტუიციით მოქმედებამ შეიძლება წამგებიან მდგომარეობაში ჩაგაყენოთ. ფინანსურ საქმიანობაში რისკის ნუ შეგეშინდებათ, ოღონდ გონივრულად იმოქმედეთ და სათადარიგო გეგმა ყოველთვის გქონდეთ.
ეცადეთ სამუშაო ქაოსში დასვენების დრო გამონახოთ — მცირე შესვენებები შრომის ნაყოფიერებას შეგინარჩუნებთ. ახლა თქვენი ჯანმრთელობა ყველაზე მნიშვნელოვანია!
მშვილდოსანი
ამ დღეს გარშემომყოფებს თქვენი გულწრფელობითა და მომხიბვლელობით იზიდავთ. მოემზადეთ პარტნიორისგან რომანტიკული სიურპრიზებისთვის! ჰოროსკოპი გირჩევთ, საღამო ხალხმრავალ ადგილზე გაატაროთ, სადაც საინტერესო ნაცნობობა გელით. უფროსობა თქვენს შრომას დააფასებს და შესაძლოა წაგიხალისოთ კიდეც, თუმცა თქვენს წარმატებებზე კოლეგებთან ნუ იტრაბახებთ, რომ შური არ გამოიწვიოთ.
მოსალოდნელია საჭმლის მომნელებელი სისტემის პრობლემები. გირჩევთ მენიუში ცხელი კერძები ჩართოთ.
თხის რქა
ისწავლეთ საკუთარ შეცდომებზე პასუხისმგებლობის აღება და გახსოვდეთ, რომ წარმატებული ადამიანები ცხოვრებას თავად აშენებენ. ამ დღეს ურთიერთობებში მაქსიმალური თავაზიანობა გმართებთ, თორემ შეიძლება თქვენი პირდაპირობა უხეშობაში გადაიზარდოს და გარშემომყოფები გაანაწყენოს.
სამსახურებრივი პრობლემების მოგვარებაში გამჭრიახობა დაგეხმარებათ. ეცადეთ გამონახოთ დრო ფინანსური საკითხების მოგვარებისთვის. თქვენი ინტუიცია დღეს განსაკუთრებით გამახვილებულია, ამიტომ შეგიძლიათ შინაგან ხმას ენდოთ.
იდეალური დღეა ვარჯიშისთვის – ფიზიკური აქტივობა განწყობას აგიმაღლებთ.
მერწყული
საყვარელ ადამიანს წვრილმანებზე ნუ გამოეკიდებით და თუ მართლა გიყვართ, პატარა შეცდომები აპატიეთ. ოჯახის ერთ-ერთი წევრის მოქმედების გამო შეიძლება სახლში სიტუაცია დაიძაბოს.
სამსახურში თქვენი შრომისმოყვარეობა შეუმჩნეველი არ დარჩება, კოლეგებმა შეიძლება საინტერესო პროექტიც კი შემოგთავაზონ. ყურადღება არ მოადუნოთ საბუთებთან და ფასიან ქაღალდებთან მუშაობისას — მცირე შეცდომამაც კი შეიძლება დიდი პრობლემა შექმნას. იზრუნეთ ჯანმრთელობაზე – დროა მავნე ჩვევებს დაემშვიდობოთ.
თევზები
შესაძლოა ჰორიზონტზე ძველი სიყვარული გამოჩნდეს. დაიწყება თუ არა ახალი რომანი, მხოლოდ თქვენი გადასაწყვეტია! დღეს ბევრი საოჯახო საქმე გექნებათ მოსაგვარებელი, საღამოს კი სტუმრებს ელოდეთ.
სამსახურში მოლაპარაკებების დღეა — ბევრი საკითხის გადაჭრა არაფორმალურ გარემოში მოგიწევთ. ზედმეტად ნუ გადაიღლებით, რომ შეცდომა არ დაუშვათ. პლანეტების განლაგებამ შესაძლოა ამ დღის გეგმების განხორციელებაში ხელი შეგიშალოთ.