რას გვირჩევენ ვარსკვლავები 8 თებერვლისთვის ჯანმრთელობის, ბიზნესის და სიყვარულის მიმართულებით?
ვერძი
ხელსაყრელი დღეა ახლო ურთიერთობებისა და სასიყვარულო თავგადასავლებისთვის. შესაძლოა, დღის დასაწყისში სასიყვარულო საქმეებში მნიშვნელოვანი გადაწყვეტილების მიღება მოგიწიოთ. წინდახედულობისა და დიპლომატიურ თვისებების წყალობით გარშემო მყოფებთან საერთო ენას ადვილად გამონახავთ.
ურთიერთობებში უფრო მოსმენისკენ ხართ განწყობილი, ვიდრე ლაპარაკისკენ და თანამოსაუბრის განწყობას წინასწარ გრძნობთ. ამჟამად სჯობს უფროსობასთან ზედმეტ კონტაქტს მოერიდოთ.
ამ დღეს ნებისმიერი შენაძენი წარმატებული იქნება. მერკური აქტიურ ფაზაშია, რაც ვაჭრობისა და კომერციული გარიგებებისთვის ხელსაყრელ პერიოდს მოასწავებს.
ეცადეთ, არ გაცივდეთ, რადგან ამან შეიძლება თირკმელებსა და წელზე უარყოფითად იმოქმედოს.
კურო
არასტაბილური ვენერას გამო შესაძლოა, პირადი ურთიერთობები არაპროგნოზირებადი გახდეს. ახლობელი ადამიანები ნებისმიერ სიტუაციაში მხარს დაგიჭერენ – ეცადეთ, საპასუხოდ ყურადღება გამოიჩინოთ.
უფრთხილდით სამსახურში ან თქვენს უახლოეს გარემოცვაში მყოფ არაკეთილმოსურნე ადამიანებს — მათგან ერთ-ერთი თქვენი ადგილის დაკავებას ცდილობს. გრძნობთ, რომ სიტუაცია თქვენთვის სასურველი მიმართულებით იცვლება, მაგრამ ნუ მოდუნდებით, სანამ შედეგს არ მიიღებთ.
დროა ჯანმრთელობის გაკაჟებაზე იზრუნოთ და სირბილი ან ცურვა დაიწყოთ.
ტყუპები
ახალი თავგადასავლების ძებნას ჯობია, რომ თავისუფალი დრო საყვარელ ადამიანთან ერთად, მყუდრო გარემოში გაატაროთ. გირჩევთ, თქვენი ძალისხმევისა და მიღწევების აღსანიშნავად პატარა წვეულება მოაწყოთ.
დროებითი წარუმატებლობა თქვენს გეგმებს ხელს ვერ შეუშლის, პირიქით შეიძლება ოცნების ასრულებაშიც კი დაგეხმაროთ. ახალი საქმიანი პროექტის განსახორციელებლად ეცადეთ გავლენიანი მფარველების მხარდაჭერა მოიპოვოთ. დღეს შეგიძლიათ თავს უფლება მისცეთ, რომ ფული და დრო საკუთარ გატაცებებზე დახარჯოთ.
გულთან ახლოს ნუ მიიტანთ ნეგატიურ ამბებს, რომლებსაც დღეს მოისმენთ.
კირჩხიბი
ვარსკვლავები გირჩევენ, რომ დასკვნების გამოტანამდე წყენის ნამდვილი მიზეზი გაარკვიოთ. მთავარია, საქმის კურსში მესამე პირები არ ჩარიოთ. დღეს ყურადღების გამახვილება ძალიან გაგიჭირდებათ, განსაკუთრებით დილის საათებში.
შესაძლოა შეცდომა დაუშვათ ან გარშემომყოფები თქვენი მოუქნელობით გააცინოთ. ენერგიას წვრილმანებზე ნუ დახარჯავთ, თორემ უფრო მნიშვნელოვანი საქმეებისთვის ძალა აღარ დაგრჩებათ. ამ დღეს სხვადასხვა ინსტანციებში სირბილი მოგიწევთ, მაგრამ ამის გარეშე ფონს ვერ გახვალთ.
ასტროლოგები გირჩევენ, რომ თუ დამატებითი შემოსავლის შანსი გაჩნდება, უარი არ თქვათ. დასვენება არ გადავიწყდეთ – სამსახურებრივმა დატვირთვამ და მუდმივმა სტრესმა შესაძლოა თქვენზე ცუდად იმოქმედოს.
ლომი
ამ ნიშნის მარტოხელა წარმომადგენლებს წინ საინტერესო შეხვედრები ელით, რასაც შეიძლება მორიგი რომანტიკული თავგადასავალი მოჰყვეს. არაა გამორიცხული, რომ მეზობლებთან ძალების გაერთიანებით საერთო საქმე დაიწყოთ. დაბრკოლებების მიუხედავად, თქვენი შეუპოვრობა და მიზანდასახულობა კარგ შედეგს გამოიღებს.
თუ კარიერულ წინსვლაზე ოცნებობთ, გაბედულად იმოქმედეთ. მიუხედავად იმისა, რომ ბოლო დროს ფინანსურ სირთულეებს განიცდით, ბანკიდან კრედიტის აღებას ნუ იჩქარებთ – ჯობს, რომ დახმარებისთვის ნაცნობებს მიმართოთ.
ამ დღეს დიეტის დაცვა არ ღირს — თქვენი ორგანიზმი მრავალფეროვნებას დაჟინებით ითხოვს!
ქალწული
შესაძლოა გაიცნოთ ადამიანი, რომელიც მალე თქვენი ცხოვრების განუყოფელი ნაწილი გახდება. მიეცით თავს უფლება, ყოველდღიურ საქმეებს მოსწყდეთ და დასვენების დატკბეთ — ეს ნამდვილად დაიმსახურეთ.
სამუშაო, რომელსაც ბოლო დროს ასრულებდით, მალე ნაყოფს გამოიღებს. თქვენი ფინანსური მდგომარეობა სტაბილური გახდება. მეწარმეებს ეს დღე ბიზნესის განვითარებისთვის ბევრ ახალ შესაძლებლობას სთავაზობს – შესაძლებელია საერთაშორისო დონეზე გასვლაც კი მოახერხოთ.
დღეს დიეტის დაწყებისთვის საუკეთესო დრო არაა, გირჩევთ რამდენიმე დღე მოიცადოთ.
სასწორი
ვენერას დაბალი აქტიურობის გამო, მარტოხელა სასწორებისთვის სიყვარულის პოვნა ადვილი არ იქნება, ამიტომ სჯობს, ყურადღება სხვა საქმეებზე გადაიტანოთ. ამ დღეს შეგიძლიათ შოპინგით მოაწყოთ — მაღაზიებში სიარული წარმატებული და მოგებიანი აღმოჩნდება, სახლის საფუძვლიანი დალაგებისგან კი სჯობს თავი შეიკავოთ.
ვარსკვლავები საქმიანობის სფეროს შეცვლას არ გირჩევენ. საქმეებში სიფრთხილე და წინდახედულობა უნდა გამოიჩინოთ. ხარჯები აკონტროლეთ და ფულს წყალში ნუ გადაყრით. თუ კომპიუტერთან დიდ დროს ატარებთ, გირჩევთ, მხედველობაზე იზრუნოთ და სტაფილო, მოცვი ან A ვიტამინი მიიღოთ.
მორიელი
დღეს საყვარელი ადამიანის მიმართ განსაკუთრებული ყურადღება უნდა გამოიჩინოთ. არ არის გამორიცხული, რომ მას თქვენი მხარდაჭერა სჭირდება.
თანამოაზრეთა გუნდს ნუ გამოეყოფით – ახლა აუცილებელია, რომ თავი ჯგუფის ნაწილად იგრძნოთ. ყველაფერი, რასაც ამ დღეს მიაღწევთ, დიდ ძალისხმევას მოითხოვს. საყვარელი ადამიანისგან მიღებული საჩუქარი დღის უარყოფით შთაბეჭდილებებს გადაფარავს.
მეწარმეებს ვურჩევთ, წარმატებული კონკურენტების გამოცდილება შეისწავლონ — ეს შეცდომებისგან დაგიცავთ. თუ აუცილებელი არ არის, ხალხმრავალ ადგილებსა და საზოგადოებრივ ტრანსპორტს მოერიდეთ.
მშვილდოსანი
თუ წინასწარ დასახული გეგმით იმოქმედებთ, აუცილებლად გამარჯვებას მიაღწევთ. საკუთარ თავს უფრო მეტად ენდეთ, ვიდრე იმ ადამიანებს, რომლებიც რჩევებს არიგებენ, მაგრამ საქმეში ვერ ერკვევიან. უცნაურია, მაგრამ ამ დღეს რუტინული საქმეები და სახლის დალაგება განწყობას აგიმაღლებთ.
თუ გავლენიან პირებთან კამათი გელით, ეცადეთ, ძლიერი მხარდამჭერების დახმარება მოიპოვოთ. შესაძლოა, ძვირად ღირებული ნივთის შეძენის ცდუნება გაგიჩნდეთ, მაგრამ ნუ აჩქარდებით – შესაძლოა, ფული უფრო მნიშვნელოვანი საქმისთვის დაგჭირდეთ.
ფიზიკურ აქტივობას ნუ დაიზარებთ, განსაკუთრებით თუ თქვენი პროფესია კომპიუტერთან დიდხანს ჯდომას მოითხოვს.
თხის რქა
ეცადეთ, საყრდენი წერტილი იპოვოთ, რომლითაც იხელმძღვანელებთ. ეს შეიძლება საყვარელი საქმე ან ახლობელი ადამიანი იყოს, რომელიც თქვენს შეხედულებებსა და მისწრაფებებს იზიარებს. იმისათვის, რომ ცხოვრება მოსაწყენი და ერთფეროვანი არ გახდეს, ასტროლოგები გირჩევენ, საყოფაცხოვრებო პრობლემებში არ ჩაეფლოთ და დასვენებას მეტი დრო დაუთმოთ.
შესანიშნავი დღეა მნიშვნელოვანი საქმეების დასასრულებლად. შესაძლოა დღის მეორე ნახევარში ვინმემ დახმარების ხელი გამოგიწოდოთ ან მფარველობა შემოგთავაზოთ.
დღის სწორი დაგეგმვა ძალების აღდგენაში დაგეხმარებათ — შეადგინეთ განრიგი ისე, რომ ძილისთვის, სულ მცირე, 8 საათი დაგრჩეთ.
მერწყული
დაურეკეთ ადამიანს, რომელიც დიდი ხანია, არ გინახავთ და თავი შეახსენეთ. თუ ბოლო დროს საყოფაცხოვრებო პრობლემები დიდ დროს და ენერგიას გართმევთ, ნუ მოგერიდებათ, ოჯახის წევრებს დახმარება სთხოვოთ.
შესაძლოა, მიიღოთ ინფორმაცია, რომელიც არასტანდარტულ და ძალიან საინტერესო იდეებს გაგიჩენთ. გამორიცხული არ არის, რომ უფროსი ნათესავისგან ფინანსური დაგეგმარება მიიღოთ.
ამ დღეს გადაღლას მოერიდეთ – სჯობს ახლობლებს ესაუბროთ და რაიმე მსუბუქი და სასიამოვნო საქმით დაკავდეთ.
თევზები
თუ საყვარელ ადამიანთან ურთიერთობა ცივდება, გირჩევთ, ცოტა ხნით ერთმანეთისგან დაისვენოთ და საოჯახო საქმეებს მიხედოთ. დაოჯახებულ თევზებს კი დღეს სერიოზული საუბარი ელით. პლანეტების განლაგება მიუთითებს, რომ დროა, თქვენი პოზიცია მკაფიოდ დააფიქსიროთ.
თქვენი ბოლოდროინდელი წამოწყებები მეტ-ნაკლებად წარმატებული იქნება – ახლა მომავლის სტრატეგიული დაგეგმვა გჭირდებათ. ბოლო დროს საკმაოდ ბევრს მიაღწიეთ, ამიტომ თავს ამოსუნთქვის საშუალება მიეცით და საყვარელი საქმით დაკავდით.
უარი თქვით მაღალკალორიულ საკვებსა და მაგარ ალკოჰოლურ სასმელებზე — ეს თქვენს ჯანმრთელობაზე დამანგრევლად იმოქმედებს.