ავსტრალია ოთხმაგმა მკვლელობა-თვითმკვლელობის შემთხვევამ შეძრა. სიდნეის გარეუბანში, მოსმან პარკში მდებარე საცხოვრებელ სახლში გარდაცვლილი იპოვეს ერთი ოჯახის ოთხივე წევრი — 50 წლის ჯაროდ კლუნი, 49 წლის მაივენა გოაზდუე და მათი ორი არასრულწლოვანი ვაჟი, 16 წლის ლეონი და 14 წლის ოტისი. ოჯახთან ერთად გარდაცვლილი აღმოჩნდნენ ორი ძაღლი და ერთი კატაც.
როგორც ცნობილია, ორივე ბიჭს მძიმე, არავერბალური აუტიზმის დიაგნოზი ჰქონდა. შემთხვევა მას შემდეგ გამოვლინდა, რაც ოჯახის მომვლელმა, რომელიც ბავშვებს რეგულარულად აკითხავდა, მათთან დაკავშირება ვერ შეძლო. მან სახლში შემზარავი წერილი იპოვა, რომელშიც პოლიციის გამოძახებისკენ იყო მოწოდება.
პოლიციის ინფორმაციით, გარდაცვალებას ძალადობრივი ხასიათი არ ჰქონია და ცეცხლსასროლი იარაღი გამოყენებული არ ყოფილა.
ცხედრები სახლის სხვადასხვა ნაწილში იყო ნაპოვნი. მოგვიანებით გავრცელებულმა მეორე წერილმა სამართალდამცველებს საფუძველი მისცა დაესკვნათ, რომ საქმე ორმაგ მკვლელობა-თვითმკვლელობას ეხებოდა. წერილში აღწერილი იყო ოჯახის მძიმე ფინანსური მდგომარეობაც.
პოლიციის ინსპექტორის, ჯესიკა სეკურომოს განცხადებით, მსგავსი შემთხვევა მის პრაქტიკაში არ ყოფილა. მისი თქმით, ბავშვების ჯანმრთელობის სერიოზულ პრობლემებს ფინანსური სირთულეებიც დაემატა, რაც საბოლოოდ ტრაგიკულ შედეგამდე მივიდა.
admin