რას გვირჩევენ ვარსკვლავები 22 იანვრისთვის ჯანმრთელობის, ბიზნესის და სიყვარულის მიმართულებით?
ვერძი
ახალი ნაცნობობისა და სასიყვარულო ურთიერთობისთვის არც ისე შესაფერისი დღეა. თანმიმდევრულად იმოქმედეთ – ნუ გასცემთ დაპირებებს, რომლებსაც ვერ შეასრულებთ და საკუთარ თავზე ზედმეტ ვალდებულებებს ნუ აიღებთ.
შესაძლოა ახლობლებთან ურთიერთობა თქვენთვის ხელსაყრელი მიმართულებით შეიცვალოს. შეგიძლიათ მშვიდად განიხილოთ საკითხები, რომლებზეც ადრე აზრთა სხვადასხვაობა გქონდათ. სამუშაო თუ საზოგადოებრივი საქმეები ყოველგვარი გართულების გარეშე ჩაივლის. გახსოვდეთ, რომ წარმატება მიზანდასახულ აქტიურობას მოსდევს. საღამოს ეცადეთ კარგად დაისვენოთ, ძილის წინ კი დაძაბულობის მოსახსნელად თბილი აბაზანა მიიღეთ.
კურო
გაუფრთხილდით ოჯახურ ბედნიერებას და იღბალს ბოროტად ნუ გამოიყენებთ. სიყვარული შეიძლება მოულოდნელად გეწვიოთ, თუმცა ეს იმას არ ნიშნავს, რომ მარადიული იქნება. შესაძლოა, ზოგიერთ კუროს ძველი სიყვარულის დაბრუნების სურვილი გაუჩნდეს, მაგრამ სანამ რამეს მოიმოქმედებთ, მოსალოდნელ შედეგებზე დაფიქრდით.
სამსახურში გადაწყვეტილებების გუნდურად მიღება მოგიწევთ, სადაც ყველა მხარის ინტერესებს გაითვალისწინებთ. მერკურის ენერგია იკლებს, რამაც შესაძლოა ეკონომიკური პრობლემები წარმოშვას. ამ დღეს ნუ ისესხებთ და ნუ გაასესხებთ ფულს, ფინანსური საკითხების მოგვარება სხვა დღისთვის გადადეთ.
აპატიეთ მათ, ვინც გული გატკინათ. მენტალური ნაგვისგან (წყენა, მტრობა, ნეგატივი) გათავისუფლებით თქვენ ახალ, პოზიტიურ მომავალს გზას უხსნით.
ტყუპები
ურანისა და მარსის გავლენით ბევრი თქვენგანისთვის სასიყვარულო ფრონტზე სიმშვიდე დამყარდება. ახლობელ ადამიანებს შორის მოსალოდნელია უეცარი და უმიზეზო კამათი. გირჩევთ, დღის უმეტესი ნაწილი დაგროვილი საქმეების მოწესრიგებას დაუთმოთ. სახლის დალაგების დროს შეიძლება დიდი ხნის დაკარგული ნივთიც იპოვოთ.
დღეს თქვენი საქმეები წარმატებით განვითარდება, რაც ოპონენტების შურს გამოიწვევს. საჯარო მოხელეებთან და უფროსი თაობის ადამიანებთან ურთიერთობისას სირთულეებია მოსალოდნელი. ეს დღე ხელსაყრელია ავტომობილის შეძენის ან გაფორმებისთვის.
ვარსკვლავები გაფრთხილებენ, რომ გადაღლას მოერიდოთ. გაითვალისწინეთ, რომ უსიამოვნო ადამიანების გარემოცვა თქვენს განწყობაზე უარყოფითად იმოქმედებს.
კირჩხიბი
ზედმეტად მომთხოვნი და პრინციპული ნუ იქნებით – ეცადეთ, პარტნიორის პირად სივრცეს პატივი სცეთ. ვარსკვლავები ვარაუდობენ, რომ ნათესავებთან და მეგობრებთან ურთიერთობაში უთანხმოება გელით. თუ საქმე ისე არ წავა, როგორც გსურთ, ეცადეთ, ყველაფერი დიპლომატიური გზით მოაგვაროთ. ყურადღებით იყავით, რათა ურთიერთობაში გაუგებრობები თავიდან აიცილოთ.
თქვენმა შრომისმოყვარეობამ და მოთმინებამ, შესაძლოა მოულოდნელი შედეგი გამოიღოს. ეცადეთ ფიზიკური დატვირთვა შეამციროთ, რათა კუნთებისა და იოგების დაჭიმვა აირიდოთ.
ლომი
დღეს მარტოხელა ლომებმა შეიძლება ვიღაცის გულის დაპყრობა შეძლონ. სურვილის შემთხვევაში, შეგიძლიათ ხანმოკლე, არაფრისმომცემი ფლირტი გააბათ. სამსახურებრივი საქმეები გადაღლას გამოიწვევს, თუმცა გაღიზიანებას ოჯახის წევრებზე ნუ გადაიტანთ.
ახლა მოდუნების დრო არ არის – შესაძლოა, მალე დამატებითი ფინანსური ინვესტიციები დაგჭირდეთ. გამორიცხული არ არის გაუთვალისწინებელი ხარჯები, ამიტომ ეცადეთ, ყოველდღიური დანახარჯები შეამციროთ. მოუწყვეთ საკუთარ თავს პოზიტიური დღე. რეალობის აღქმა თვითშეფასებას აგიმაღლებთ და ენერგიით აგავსებთ.
ქალწული
თუ მეორე ნახევარი ჯერ არ გიპოვიათ, მალე ამის შანსი მოგეცემათ. დადგა დრო, რომ საკუთარი პოზიციები გაიმყაროთ და დაგროვილი საქმეები დაასრულოთ. ოჯახში კარგი ურთიერთობები გაქვთ, თუმცა ბოლო დროს გეჩვენებათ, რომ ეს გარემო გზღუდავთ.
გირჩევთ, სამსახურებრივი ამოცანების გადასაჭრელად ინტუიცია გამოიყენოთ – ის გიკარნახებთ, წარმატებისთვის რა ნაბიჯები გადადგათ. ფინანსურ საკითხებში მეტი ყურადღება გმართებთ, დაუფიქრებელმა გადაწყვეტილებამ შესაძლოა სერიოზული დანაკარგი გამოიწვიოს.
თუ ამ დღეს თავს შეუძლოდ იგრძნობთ, შეიძლება დაავადება გახანგრძლივდეს, ამიტომ ჯანმრთელობას გაუფრთხილდით და ხალხმრავალ ადგილებს მოერიდეთ.
სასწორი
თუ თქვენი ურთიერთობები გაცივდა, ძველი ვნების დაბრუნებაში ხანმოკლე მოგზაურობა და საინტერესო თავგადასავალი დაგეხმარებათ – სცადეთ, საყვარელ ადამიანთან ერთად ექსტრემალურ ტურში წასვლა. ფეთქებადმა ხასიათმა შეიძლება ახლობელთან კონფლიქტი გამოიწვიოს, ამიტომ ეცადეთ ემოციები მოთოკოთ. ახალი ნაცნობობა სასარგებლო და სასიამოვნო იქნება, განსაკუთრებით საქმიანი კუთხით.
მოერიდეთ ძვირად ღირებულ და უსარგებლო შენაძენებს და ეცადეთ ფული უფრო მომჭერნედ ხარჯოთ. თუ შესაძლებელია, მეტი დრო გაატარეთ სუფთა ჰაერზე – ფეხით სეირნობა თქვენს ემოციურ ფონს საგრძნობლად გააუმჯობესებს.
მორიელი
თუ მეორე ნახევარზე არც ისე სასიამოვნო ინფორმაციას გაიგებთ, გულახდილად დაელაპარაკეთ – ასე კონფლიქტს თავიდან აიცილებთ. ამ დღეს ოჯახში სიმშვიდე თქვენს არჩევანზეა დამოკიდებული. ახლობელ ადამიანებთან ურთიერთობაში მარტივი და გასაგები სიტყვები გამოიყენეთ, რათა გაუგებრობა გამორიცხოთ.
არ დაგავიწყდეთ, რომ თქვენს ორგანიზმს დასვენება სჭირდება! აქტიური დასვენება და წყლის პროცედურები სამუშაო დღის ბოლოს დაძაბულობის მოხსნაში დაგეხმარებათ. უფროსი ასაკის მორიელებს შეიძლება ქრონიკული დაავადებები გაუმწვავდეთ. დასუსტებული იმუნიტეტის გაძლიერებაში ვიტამინები დაგეხმარებათ.
მშვილდოსანი
დღევანდელი დღე სასიყვარულო ამბებში კარგ სიახლეებს მოგიტანთ. შესაძლოა, ნანატრი აღიარება ან შემოთავაზება მიიღოთ, რომელიც გაგაბედნიერებთ. გაჩნდება შანსი, რომ საკუთარი თავი ახალ პროექტში გამოცადოთ – უარს ნუ იტყვით, ეს თქვენს ცხოვრებას რადიკალურად შეცვლის.
თუ დარწმუნებული ხართ, რომ რისკი გამართლებულია, იმოქმედეთ! სასურველია, ორგანიზმს განტვირთვის დღე მოუწყოთ – მთელი დღის განმავლობაში უარი თქვათ საკვებზე ან ინტენსიურად ივარჯიშოთ.
თხის რქა
პარტნიორთან ურთიერთობის გასაუმჯობესებლად ყველაფერი გააკეთეთ, ახლა ისღა დაგრჩენიათ, რომ მიღწეულით ისიამოვნოთ. თუნდაც ძალიან დაკავებული იყოთ, გამონახეთ დრო ახლობლებისთვის.
კარიერული წინსვლის კუთხით თქვენ წინაშე იმედის მომცემი პერსპექტივები იშლება. როგორც იქნა, ხელმძღვანელობაზე კარგი შთაბეჭდილების მოხდენას შეძლებთ. ვალის დაბრუნებას ნუ იჩქარებთ – “შავი დღისთვის” გადანახული თანხა დღეს შეიძლება მოულოდნელად დაგჭირდეთ.
ენერგიის მოზღვავება მარსის აქტიურობას უკავშირდება, თუმცა გახსოვდეთ, რომ „წითელ პლანეტას“, ძალების მოცემის გარდა, გაღიზიანების გამოწვევაც შეუძლია.
მერწყული
საკუთარი თავით კმაყოფილი ხართ – თქვენი რჩეული კი მზადაა, ყველა სურვილი შეგისრულოთ. ოჯახური ბედნიერება ურთიერთპატივისცემაზეა დაფუძნებული – ეს კამათის დროსაც არ დაივიწყოთ.
სიფრთხილე გამოიჩინეთ დამატებით სამუშაოს აღებისას, განსაკუთრებით – თუ თქვენს სამსახურში ამას არ იწონებენ. სიახლეების მიმართ რაც უფრო გახსნილი იქნებით, მით მეტ ფულს გამოიმუშავებთ.
ვარსკვლავები გირჩევენ, რომ სხვის ცხოვრებაში არ ჩაერიოთ — ამით მხოლოდ მტრებს შეიძენთ. მოერიდეთ სწრაფი კვების პროდუქტებს და მენიუ ხილითა და ბოსტნეულით გაამდიდრეთ.
თევზები
თქვენი ინტუიცია და წინათგრძნობა ძლიერდება. გრძნობების გამოხატვისას მეტი სიფრთხილე და სიმტკიცე გმართებთ – ეს დაგეხმარებათ, რომ თქვენი ინტერესის ობიექტი უკეთ შეაფასოთ.
ეს ნაყოფიერი პერიოდი ძალების მაქსიმალურ კონცენტრაციას მოითხოვს. აკონტროლეთ ხარჯები – შესაძლოა, ფული უსარგებლო ნივთებში დახარჯოთ. აუცილებელია ძილის რეჟიმის მოწესრიგება, რადგან ეს პირდაპირ თქვენს ჯანმრთელობასა და განწყობაზე აისახება.
admin