რას გვირჩევენ ვარსკვლავები 19 იანვრისთვის ჯანმრთელობის, ბიზნესის და სიყვარულის მიმართულებით?
ვერძი
თითქოს პარტნიორის მოთმინებას გამოცდას უწყობთ, ნებისმიერ წვრილმან მიზეზზე ეკამათებით. ეცადეთ, მოთმინება გამოიჩინოთ და დაუთმოთ – ასე ურთიერთობა ისევ დალაგდება.
ახლა მთელი ყურადღება ოჯახურ ან საყოფაცხოვრებო პრობლემებზე გაქვთ გადატანილი, მაგრამ მალე შესაძლებლობა გექნებათ, ბევრი საქმე მოაგვაროთ.
ხელსაყრელი დღეა ბიუჯეტის დაგეგმვისა და შემოსავლის ახალი წყაროების ძიებისთვის. გირჩევთ, ძვირად ღირებული შენაძენი სამომავლოდ გადადოთ. პლანეტები გირჩევენ, ცივი სასმელებისა და ნაყინის მიღებას მოერიდოთ – ამან შეიძლება ჯანმრთელობაზე უარყოფითად იმოქმედოს.
კურო
დაივიწყეთ ყველა საზრუნავი და მთელი ყურადღება პირადი ცხოვრებისკენ მიმართეთ. საქმეები მოიცდის, ოჯახურ ბედნიერებას კი შეიძლება საფრთხე დაემუქროს. გახსოვდეთ, რომ ურთიერთბრალდებები და შეურაცხყოფა პრობლემას ვერ მოაგვარებს. გამოსავალი მხოლოდ გულწრფელი და მშვიდი საუბარია.
შესაძლებელია უახლოეს დღეებში შემოსავლის ახალი წყარო გამოჩნდეს. თუ შემოგთავაზეს უარს ნუ იტყვით დამატებით სამუშაოზე ან უკვე დაწყებულ პროექტებზე მუშაობა გააგრძელეთ. გირჩევთ, მნიშვნელოვანი საკითხები გვიან ღამით არ გადაწყვიტოთ.
თუ ნერვული დაძაბულობა გაწუხებთ უპირატესობა რელაქსაციის პრაქტიკებს მიანიჭეთ და სტრესის შემცირებას ეცადეთ, რათა ემოციური და ფსიქოლოგიური მდგომარეობა გაიუმჯობესოთ.
ტყუპები
ამ დღეს შეიძლება თაყვანისმცემელი გამოგიჩნდეთ, რომელიც თქვენს მოსახიბლად უკან არაფერზე დაიხევს, მაგრამ იცოდეთ, რომ მას ანგარება ამოძრავებს. საყვარელ ადამიანთან ურთიერთობაში თავს გარკვეული დაძაბულობა იჩენს, თუმცა კონფლიქტამდე საქმე არ მივა.
განწყობა მარტის ამინდივით სწრაფად გეცვლებათ – ოპტიმიზმს უიმედობა ცვლის, ხოლო თავდაჯერებას აპათია. თუ ახლა დაღლილი და გაღიზიანებული ხართ, იცოდეთ, ეს ნორმალურია — ბოლო თვეებში ძალიან ბევრს შრომობდით. დაფიქრდით, გსურთ თუ არა იმავე ტემპით გაგრძელება.
კირჩხიბი
ემოციების მოზღვავების გამო მოდუნება გიჭირთ. არ არის გამორიცხული, რომ ნათესავებთან კამათს გრძელვადიანი და უსიამოვნო შედეგები მოჰყვეს. ამ დღეს ბევრი რჩევის გაცემა მოგიწევთ – თქვენს ნიშანს ბევრი ადამიანი ენდობა და საკუთარ საიდუმლოს გიზიარებთ.
დროა, დაგეგმილი საქმეები რეალურად განახორციელოთ — ვარსკვლავები წარმატებასა და სტაბილურობას გპირდებიან. გახსოვდეთ, მომავალი გამარჯვებების საფუძველი გულდასმით გაკეთებული ანალიზი და დაგეგმვაა. თავი შეიკავეთ სარისკო პროექტებში ფულის ჩადებისგან — სჯობს უფრო ხელსაყრელ პერიოდს დაელოდოთ.
სასწრაფოდ დასვენება გჭირდებათ, რათა დეპრესია არ დაგემართოთ – პარკში გაისეირნეთ, მეგობრებს შეხვდით ან პატარა შოპინგი მოიწყვეთ.
ლომი
შესაფერისი დღეა ურთიერთობების გასამყარებლად. ამ დღეს იმდენად მჭევრმეტყველი და დამაჯერებელი იქნებით, რომ ნებისმიერ ადამიანს დაიყოლიებთ. ზედმეტად ნუ ენდობით ადამიანებს, რომლებსაც კარგად არ იცნობთ. ეცადეთ მეტი მოთმინება და გამძლეობა გამოიჩინოთ — თუ შუა გზაზე არ დანებდებით, გამარჯვება თქვენ დაგრჩებათ.
ხარჯები შეიძლება გაიზარდოს. თუ გაუთვალისწინებელი შემთხვევებისთვის თანხის გადადება ვერ მოახერხეთ, შესაძლოა მალე სესხის აღება დაგჭირდეთ.
ამ ზოდიაქოს ზოგ წარმომადგენელს არტერიული წნევის პრობლემები ელის — ეცადეთ არ გადაიღალოთ
ქალწული
ოცნებობთ, რომ საღამო ძვირ რესტორანში გაატაროთ, მაგრამ ფინანსური მდგომარეობა საშუალებას არ გაძლევთ. გირჩევთ პატარა, მყუდრო კაფე იპოვოთ და საყვარელი ადამიანი ყავაზე და დესერტზე დაპატიჟოთ. ახლობლებთან ურთიერთობაში განსაკუთრებული თავშეკავება გამოიჩინეთ, რათა დაუფიქრებელი სიტყვით არავინ გააღიზიანოთ.
მიზნისკენ ნელა, მაგრამ თავდაჯერებულად მიიწევთ. ამ დღეებში შეიძლება უამრავი სამუშაო საკითხი წარმოიშვას, რომელთა მოგვარებას დამოუკიდებლად შეძლებთ. ნუ აჩქარდებით და ემოციებს ნუ აჰყვებით – სირთულეების მიუხედავად, საქმეს დროულად დაასრულებთ. საუკეთესო დროა ოფიციალური მოლაპარაკებებისთვის – ამ პერიოდში ნებისმიერ ადამიანთან შეთანხმებას შეძლებთ.
სასწორი
შესაძლოა, ახლობელმა ადამიანმა თქვენი მხრიდან ყურადღების ნაკლებობა იგრძნოს. სკანდალის თავიდან აცილება შესაძლებელია, თუმცა ამისთვის დიდი ძალისხმევა დაგჭირდებათ. ახლა მთავარია საკუთარ თავში არ ჩაიკეტოთ.
ოფიციალური კონტაქტებისთვის არასახარბიელო დღეა, არც ახალი საქმეების წამოწყება ღირს — სჯობს ძველი საბუთები მოაწესრიგოთ და ადრე დაწყებული საქმეები დაასრულოთ. მოერიდეთ ახალ ნაცნობობას ან თქვენთვის უსიამოვნო ადამიანებთან ურთიერთობას – სხვისმა ზეგავლენამ შესაძლოა უარყოფით შედეგებამდე მიგიყვანოთ.
მორიელი
უახლოეს მომავალში ახალი შეხვედრა, ნაცნობობა და რომანტიკული თავგადასავალი გელით. მორიელები, რომლებმაც ოჯახი ახლახან შექმნეს, მეორე ნახევრის გრძნობებს განსაკუთრებულად უნდა გაუფრთხილდნენ. სამსახურში ყურადღება არ მოადუნოთ, რათა დრო ფუჭად არ დახარჯოთ.
პრობლემების სწრაფად მოგვარება გსურთ, მაგრამ გაითვალისწინეთ, რომ თქვენზე ძლიერი გარე ფაქტორები არსებობს. ამ კედლის გარღვევას ნუ ეცდებით — სჯობს მოთმინება გამოიჩინოთ. ეს დღე სინდისის ქენჯნის, პატიებისა და შინაგანი გაწმენდის პერიოდია და ეცადეთ შანსი გამოიყენოთ.
მშვილდოსანი
ვარსკვლავები ძველი პარტნიორისგან ურთიერთობის განახლებას წინასწარმეტყველებენ. ახალ რომანზე საუბარი არ არის, თუმცა ყოფილ სიყვარულთან დაბრუნება ადვილი შესაძლებელია, მთავარია, რომ ძველი შეცდომები არ გაიმეოროთ.
ოჯახის ზოგ წევრს პრობლემები დაუგროვდა და თქვენი დახმარება სჭირდება. გამორიცხული არ არის, რომ ახლად გაცნობილი ადამიანი ახალი სამსახურის პოვნაში დაგეხმარებათ.
ფინანსური მდგომარეობა შესაძლოა გაუარესდეს, ამიტომ სასურველია, რომ ფინანსურ უსაფრთხოებაზე წინასწარ იზრუნოთ.
ვარჯიში, სუფთა ჰაერი და ჯანსაღი ძილი ნებისმიერ პირობებში კარგი ჯანმრთელობის შენარჩუნებაში დაგეხმარებათ.
თხის რქა
თუ თქვენი გრძნობები უპასუხოდ დარჩა, არ იდარდოთ. მალე გაიცნობთ ადამიანს, რომელიც ძველ სიყვარულს დაგავიწყებთ. მიეცით უარყოფით ემოციას საშუალება, რომ გარეთ გამოვიდეს — ეს სტრესისგან გაგათავისუფლებთ. განრისხდით, იყვირეთ და დაგროვილი ტკივილი გარეთ გამოუშვით. ოჯახისა და ახლობლების წრეში გატარებული დრო ძალებსა და დახარჯულ ენერგიას აღგიდგენთ.
შუადღის შემდეგ მოსალოდნელია სასიამოვნო სიურპრიზი. ყურადღება მიაქციეთ კოლეგებს, რომლებსაც შეიძლება თქვენი მხარდაჭერა დასჭირდეთ — მეგობრული ატმოსფერო შექმნა გუნდის საერთო განწყობას გააუმჯობესებს. თავს ნუ აარიდებთ პროფილაქტიკურ სამედიცინო შემოწმებებს, თორემ მალე ექიმებთან შეხვედრის ძებნა თავად მოგიწევთ.
მერწყული
მშობლები, რომლებსაც სკოლის ასაკის შვილი ჰყავთ, შესაძლოა მის სწავლასთან დაკავშირებული პრობლემებს შეეჯახონ. ვარსკვლავები გირჩევენ, ეს საკითხი უყურადღებოდ არ დატოვოთ და კლასის ხელმძღვანელს ესაუბროთ.
პირად ცხოვრებაში მოსალოდნელია დადებითი ცვლილებები, თუმცა ფინანსური საკითხები ისევ გაურკვეველი რჩება. კარგად მიმოიხედეთ გარშემო და მიხვდებით, რა არის ოჯახში უთანხმოების მიზეზი.
შესაძლოა, ამ დღეს ისეთი შეცდომა დაუშვათ, რომლის გამოსწორებასაც დიდი დრო და ძალისხმევა დასჭირდება, ასე რომ, ყურადღებით იყავით. მოერიდეთ სტრესსა და ნერვიულობას, რამაც შეიძლება ნერვული სისტემა დაგირღვიოთ. სიმშვიდის შენარჩუნება თქვენი ცხოვრების ხარისხს საგრძნობლად გააუმჯობესებს.
თევზები
ეცადეთ, ეს დღე წიგნით ხელში ან ახლობლების გარემოცვაში გაატაროთ. ვარსკვლავები გირჩევენ, ახალ ურთიერთობებთან დაკავშირებით სიფრთხილე გამოიჩინოთ.
სამსახურში ზედმეტმა აქტიურობამ შესაძლოა ხელმძღვანელობასთან ურთიერთობაში პრობლემები შექმნას. ამ პერიოდში მნიშვნელოვანი საბუთების ხელმოწერასა და კოლეგებთან ურთიერთობის გარკვევას უნდა მოერიდოთ.
სასურველია ფიზიკური დატვირთვის შემცირება და ნაკლები ნერვიულობა, რადგან ამ დღეებში თქვენი ფსიქიკა განსაკუთრებით მგრძნობიარეა.
admin