რას გვირჩევენ ვარსკვლავები 17 იანვრისთვის ჯანმრთელობის, ბიზნესის და სიყვარულის მიმართულებით?
ვერძი
სასიყვარულო ფრონტზე უახლოეს დღეებში სიახლეებს არ უნდა ელოდოთ. ამ დღეს, ბოლოს და ბოლოს, გააცნობიერებთ, რომ ზოგჯერ მეორე ნახევრის სიტყვებს ყურადღება არ უნდა მიაქციოთ.
ვარსკვლავების განლაგება დღის მეორე ნახევარში სამუშაოსთან დაკავშირებულ ხელსაყრელ შესაძლებლობებს გპირდებათ – სავარაუდოდ, ხელმძღვანელის კეთილგანწყობის მოპოვებას შეძლებთ. დროა, დანაზოგის შექმნა დაიწყოთ და ხელფასიდან ყოველთვიურად თუნდაც მცირე თანხა გადადოთ. საყიდლებზე გასვლამდე შეაგროვეთ ინფორმაცია ფასდაკლებებსა და აქციებზე.
სილამაზის ჰოროსკოპი გირჩევთ, კოსმეტიკური პროცედურებამდე ჯერ ჯანმრთელობის გაკაჟებაზე იზრუნოთ.
კურო
თქვენს ურთიერთობაში შესაძლოა გარეშე პირი ან მოულოდნელი გარემოება ჩაერიოს. მაგალითად, შეიძლება აღმოაჩინოთ, რომ თქვენი თაყვანისმცემელი უკვე დაქორწინებულია.
საქმეზე ყურადღების გადატანა ძალიან გიჭირთ, რადგან ოჯახის წევრები მუშაობაში ხელს გიშლიან. ეცადეთ კოლეგებთან ნდობაზე დაფუძნებული ურთიერთობა ჩამოაყალიბოთ — წყენას გულში ნუ შეინახავთ, თუმცა ნურც ბოლომდე გულწრფელი იქნებით. დღეს ზომიერება საუკეთესო არჩევანია.
ნათესავებთან კამათს მოერიდეთ – ეს თქვენს ფინანსებზე ცუდად აისახება. შეზღუდეთ ურთიერთობა მათთან, ვინც პატივს არ გცემთ და თქვენს დროს არ აფასებს. ასეთ ადამიანებთან ხშირმა ურთიერთობამ შეიძლება თქვენი ფსიქოემოციური მდგომარეობა გააუარესოს.
ტყუპები
პირად ცხოვრებაში მნიშვნელოვანი ცვლილებები გელით და მათგან თავის არიდება არ გამოგივათ. კარგია ეს თუ ცუდი, თავად უნდა გადაწყვიტოთ.
შესაძლოა, ექსტრემალური გართობის სურვილი გაქვთ, მაგრამ ფრთხილად უნდა იყოთ, რომ ტრავმა არ მიიღოთ. თქვენმა დაუფიქრებელმა საქციელმა შეიძლება რჩეულთან ურთიერთობაში სირთულეები გამოიწვიოს. მალე ხელმძღვანელისგან საპასუხისმგებლო დავალებას მიიღებთ და ეცადეთ, იმედები არ გაუცრუოთ.
ამ დღეებში ვარსკვლავების განლაგება ხასიათის ახალი შტრიხების, კერძოდ კი აზარტულობის გამოვლინებას ხელს უწყობს. ფრთხილად იყავით — არსებობს ფულის ან სანაძლეოს წაგების საფრთხე.
კირჩხიბი
დააფასეთ საყვარელ ადამიანთან გატარებული ყოველი წუთი! ვინც ახლო ურთიერთობებს არ უფრთხილდება, შესაძლოა ადრე თუ გვიან მარტო დარჩეს. ეცადეთ, თქვენთვის მნიშვნელოვან საკითხებში ინიციატივა გამოიჩინოთ. აკონტროლეთ თქვენი საქმეები და საკუთარ მოვალეობებს ნურავის გადააბარებთ. გახსოვდეთ, რომ თქვენს სამუშაოს თქვენზე უკეთ და ხარისხიანად ვერავინ შეასრულებს.
ამ დღეს ფულს ნუ ისესხებთ და სარისკო ფინანსურ ოპერაციებში ნუ ჩაებმებით. სუფთა ჰაერზე სეირნობა სტრესის დაძლევაში დაგეხმარებათ და განწყობას აგიმაღლებთ.
ლომი
ამ დღეს თავისუფალ ურთიერთობებსა და ერთგულებას შორის რთული არჩევანის გაკეთება მოგიწევთ. სავსებით შესაძლებელია, რომ თქვენი მეორე ნახევარიც მსგავსი დილემის წინაშე აღმოჩნდეს. პრობლემის გასააზრებლად, ეცადეთ, შექმნილ სიტუაციას სხვა კუთხიდან შეხედოთ — ეს გამოსავლის პოვნაში დაგეხმარებათ.
ხელმძღვანელობა თქვენს ცოდნასა და გამოცდილებას ძალიან აფასებს, ამიტომ ხელსაყრელი მომენტი გამოიყენეთ და პირობების გაუმჯობესება ითხოვეთ. მოერიდეთ უსარგებლო ნივთების შეძენას – ახლა ფულის ფუჭად ფლანგვის დრო არ არის.
თავი შეიკავეთ ალკოჰოლისა და ძლიერმოქმედი მედიკამენტების მიღებისგან.
ქალწული
საყვარელ ადამიანთან ურთიერთობაში შიშები და ეჭვები ძალიან გაფერხებთ. დამშვიდდით და ეცადეთ, საკუთარი გრძნობებისა და ემოციების გამოხატვა ისწავლოთ. გირჩევთ, ეს დღე სამუშაოსა და საოჯახო საქმეებს დაუთმოთ, დასვენება და მეგობრებთან შეხვედრა კი სამომავლოდ გადადოთ.
უფროსის შეთავაზება შესაძლოა მოულოდნელი აღმოჩნდეს, მაგრამ მასზე უარის თქმას ნუ იჩქარებთ. საეჭვო ფინანსურ გარიგებებსა და სარისკო ოპერაციებში მონაწილეობას ერიდეთ – ეს მოგებაზე მეტ პრობლემას მოგიტანთ.
იზრუნეთ ჯანმრთელობაზე – ახლა მსუბუქი ფიზიკური დატვირთვა, სულიერი სიმშვიდე და სრულფასოვანი დასვენება ყველაზე მეტად გჭირდებათ. ზოგი ქალწულისთვის ეს დღე შეიძლება იანვარში ყველაზე მნიშვნელოვანი გახდეს.
სასწორი
თუ მეორე ნახევარს ეძებთ, იცოდეთ, რომ მიზანს მიაღწევთ. საოჯახო ვალდებულებებს ნუ უგულებელყოფთ. ჯობია საქმე ეტაპობრივად აკეთოთ, ვიდრე მერე „ავგიას თავლების“ დასუფთავება მოგიწიოთ.
იმედებს მხოლოდ იღბალსა და გამართლებაზე ნუ დაამყარებთ. თუ გსურთ რამეს მიაღწიოთ, ოცნებებიდან აქტიურ მოქმედებაზე უნდა გადახვიდეთ! ხელსაყრელ დროს მუდმივად ვერ დაელოდებით, ის თავად უნდა შექმნათ. დღეს თქვენი საქმიანი თვისებები ძალიან გამოგადგებათ, თუმცა იმ ადამიანების შემოთავაზებებს, რომლებსაც ცუდად იცნობთ სიფრთხილით მოეკიდეთ.
ფიზიკური მუშაობის და ვარჯიშის დროს სიფრთხილე გამოიჩინეთ და ძალიან ნუ გადაიღლებით.
მორიელი
ამ დღეს თქვენი ნიშნის ზოგი წარმომადგენელი ეცდება, რომ რჩეულზე შთაბეჭდილება მოახდინოს. გირჩევთ, პაემანი მომავალი უქმეებისთვის დაგეგმოთ და დიდი ალბათობით, მიზანს მიაღწევთ.
ხელსაყრელი დროა სახლში მცირე რემონტის ან ინტერიერის შეცვლისთვის. ბუნებრივი ოპტიმიზმი დროებითი სირთულეების გადალახვაში დაგეხმარებათ. თუ გრძნობთ, რომ საქმის ბოლომდე მისაყვანად ძალა არ გყოფნით, გახსოვდეთ, რომ ახლობლები თქვენს მხარდასაჭერად ყოველთვის მზად არიან. ვარსკვლავების მხარდაჭერით თქვენი მატერიალური მდგომარეობა გაუმჯობესდება, თუმცა ეცადეთ ფული ეკონომიურად უნდა ხარჯოთ.
ამ დღეს თქვენი განწყობა მხოლოდ თქვენზეა დამოკიდებული! ეცადეთ, იმედი არ დაკარგოთ და ცუდი ფიქრები განდევნოთ.
მშვილდოსანი
პირად ცხოვრებაში კარგი დრო დადგა — საყვარელ ადამიანთან ურთიერთობა გამოსწორდება და გამტკიცდება. ეცადეთ, ოჯახს და სახლში შექმნილ ატმოსფეროს მეტი ყურადღება დაუთმოთ. ახლობლებს ახლა თქვენი მხარდაჭერა კოლეგებზე მეტად სჭირდებათ.
ხელსაყრელი დღეა ძველი გეგმების განხორციელებისა და ახალი საქმეების დასაწყებად. შესაძლოა, ცხოვრების ყველა სფეროში დადებითი ცვლილებები მოხდეს. ახლობელი ადამიანების მოთმინებას ნუ გამოცდით, თორემ შეიძლება მათი რისხვა დაგატყდეთ.
ვარსკვლავები გირჩევენ, ოჯახის წევრებთან მეტი დრო გაატაროთ.
იოგა, მედიტაცია და სუნთქვითი ვარჯიშები დაძაბულობის შემცირებაში და მდგომარეობის გაუმჯობესებაში დაგეხმარებათ.
თხის რქა
ამ დღეს პარტნიორთან შეთანხმება და ყველასთვის მისაღები გადაწყვეტილების მიღება გიჭირთ, ამიტომ საკუთარი მიზნების გულწრფელი განმარტება მოგიწევთ.
ოჯახურ წყვილებში შესაძლოა დაგეგმილ შესყიდვებთან დაკავშირებით უთანხმოება წარმოიშვას. ეცადეთ, მოლაპარაკებას და გონივრულ კომპრომისს მიაღწიოთ. სავარაუდოდ, ახალი ნაცნობობა თქვენს საქმიან პერსპექტივებს გააფართოებს და ახალ შესაძლებლობებს შემოგთავაზებთ. ინვესტიციები მოგებიანი იქნება, თუ გონივრულად და აუჩქარებლად განახორციელებთ.
ამ დღეს შანსი გექნებათ, რომ თქვენი ცხოვრების წესს გადახედოთ და მავნე ჩვევებისგან გათავისუფლდეთ. საუბარია არა მხოლოდ ალკოჰოლსა თუ მოწევაზე, არამედ ძილის არეულ რეჟიმზეც.
მერწყული
თუ სრული თავისუფლება გსურთ, მუდმივი ურთიერთობის დაწყება არ ღირს, თუ ოჯახური სიმყუდროვე გირჩევნიათ, უნდა იმოქმედოთ. კარგი იქნება, თუ ამ დღეს დაასრულებთ საქმეს, რომლისთვისაც აქამდე დრო არ გყოფნიდათ.
გარშემომყოფები ეცდებიან, საქმეს მოგწყვიტონ — არ გაღიზიანდეთ, რადგან ეს მხოლოდ კონფლიქტებს გამოიწვევს. მეწარმეებმა ჯობია პაუზა აიღონ და ახალი ხელშეკრულებები არ გააფორმონ.
ამ პერიოდში იუპიტერი თითქმის მთლიანად ჩაკეტილია სატურნის ნეგატიური ენერგიით, რაც ბიზნესის წარმოებას გაართულებს.
ყურადღება მიაქციეთ საჭმლის მომნელებელ სისტემას, შესაძლოა კვების რაციონის შეცვლა დაგჭირდეთ.
თევზები
მოულოდნელმა ნაცნობობამ შესაძლოა, ერთგული მეგობარი შეგძინოთ, თუმცა შედგება თუ არა ეს შეხვედრა, მხოლოდ თქვენზეა დამოკიდებული. წარმატებული დღეა ინტელექტუალური განვითარებისთვის.
მოსალოდნელია ცვლილებები პროფესიულ საქმიანობაში. შესაძლოა, ხელმძღვანელობამ ახალი თანამდებობა შემოგთავაზოთ, თუმცა სანამ დათანხმდებით, კარგად დაფიქრდით. სურვილის შემთხვევაში, შეგიძლიათ დიდი ხნის დაგეგმილი შოპინგი მოაწყოთ.
თუ ჰიპერტენზიისკენ მიდრეკილი ხართ, ყავის სმისგან თავი უნდა შეიკავოთ. კლასიკური მუსიკის კონცერტი ამ საღამოს განტვირთვის საუკეთესო საშუალება იქნება.
user