ტაილანდის ჩრდილო-აღმოსავლეთით, მატარებელი ლიანდაგიდან გადავიდა მას შემდეგ, რაც სამშენებლო ამწე სამ ვაგონს დაეცა.
როგორც მედია წერს, ინციდენტის შედეგად, სულ მცირე, 19 ადამიანი დაიღუპა და დაახლოებით 80 დაშავდა.
ადგილობრივმა პოლიციამ „როიტერს“ განუცხადა, რომ მატარებლის ვაგონებში ჯერ კიდევ რჩება რამდენიმე ადამიანი, რომელთა ამოყვანაც ჯერჯერობით ვერ შეძლეს.
შემთხვევა ნახონ რაჩასიმას პროვინციაში იმ დროს მოხდა, როდესაც ამწე რკინიგზის პროექტზე მუშაობდა. გავრცელებული ცნობით, ინციდენტის შედეგად მატარებელი ლიანდაგიდან გადავიდა.
ტრანსპორტის მინისტრის განცხადებით, ინციდენტის დროს მატარებელში 195 მგზავრი იმყოფებოდა და საქმის საფუძვლიანად გამოძიება მოითხოვა.