რას გვირჩევენ ვარსკვლავები 5 იანვრისთვის ჯანმრთელობის, ბიზნესის და სიყვარულის მიმართულებით?
ვერძი
პირად ცხოვრებაში დროებითი სიმშვიდეა, ამიტომ ამ ნიშნის წარმომადგენლები საოჯახო საქმეებში თავით გადაეშვებიან. ამ დღეს მნიშვნელოვან საკითხებს ნუ შეეჭიდებით, რადგან ყველა პრობლემის მოგვარებას მაინც ვერ შეძლებთ. შესაძლოა, მცირე გაუგებრობის გამო კოლეგებთან ან ახლობლებთან კონფლიქტი მოგივიდეთ.
ჯერჯერობით, ფინანსურ სირთულეებზე არ უნდა იფიქროთ. თავს მოდუნების საშუალება მიეცით, ემოციურად გათავისუფლდით და სტრესისგან თავი მაქსიმალურად დაიცავით. არსებობს ვირუსული დაავადებების საფრთხე, ამიტომ ხალხმრავალ ადგილებში ყოფნას მოერიდეთ.
კურო
საკუთარ ფიქრებში ნუ ჩაიკეტებით, დროა, მეორე ნახევრის ძებნა დაიწყოთ! მით უმეტეს, რომ თქვენი რჩეული სადღაც ძალიან ახლოსაა. გირჩევთ, საღამოს საათები სასიამოვნო გარემოში, მაგალითად, ფილმის ყურებაში გაატაროთ.
დღეს კარგი დღეა გრძელვადიანი პროექტების დასასრულებლად. თქვენი თავდაჯერება თანამოაზრეებს მიიზიდავს და გაგიხსნით კარს, რომელიც ადრე დახურული გეჩვენებოდათ. ინვესტიციებსა და ძვირად ღირებულ შენაძენებს მოერიდეთ და კიდევ რამდენიმე დღე დაიცადეთ.
მძიმე ფიქრები ცხოვრებით ტკბობის სურვილსა და სიმშვიდეს გართმევენ, ამიტომ ეცადეთ, ყურადღება სასიამოვნო მომენტებზე გადაიტანოთ!
ტყუპები
ეს დღე, მთლიანობაში, წარმატებულია და როგორც საქმეში, ისე პირად ცხოვრებაში მრავალი პრობლემის მოგვარებაში დაგეხმარებათ.
უახლოეს მომავალში რთული არჩევანის წინაშე აღმოჩნდებით. მიღებული გადაწყვეტილება ურთიერთობებზე გავლენას მოახდენს — ან განამტკიცებს მათ, ან საბოლოოდ დაანგრევს. საღამოს შეგიძლიათ ოჯახური შეკრება მოაწყოთ – გულწრფელი საუბრები ახალ იდეებს შთაგაგონებთ. ფინანსებთან დაკავშირებული საკითხები სჯობს ახლობლებთან ერთად განიხილოთ, მათი რჩევა შესაძლოა ძალიან ღირებული აღმოჩნდეს.
ვარსკვლავები მარტოხელებს ვნებით სავსე, საინტერესო ნაცნობობას ჰპირდებიან. ეცადეთ დასვენებისთვის დრო გამონახოთ. ეს ძალების აღდგენაში და შინაგანი ჰარმონიის შენარჩუნებაში დაგეხმარებათ.
კირჩხიბი
შესაძლოა, პირადი ცხოვრების შესახებ მნიშვნელოვანი გადაწყვეტილების მიღება მოგიწიოთ. იმისათვის, რომ დღემ კარგად ჩაიაროს, გარშემომყოფებთან ურთიერთობა უნდა დაალაგოთ. შესანიშნავი დღეა ინტერიერისთვის ლამაზი ნივთების შესაძენად, სტუმრების მისაღებად ან საღამოს ახლობლების წრეში გასატარებლად.
კომერციული საქმეები წარმატებით განვითარდება და სასურველ შედეგს მოგიტანთ. ნებისმიერ დავალებას იოლად გაართმევთ თავს. ენერგიულ ადამიანებს, რომლებიც საკუთარ ინიციატივას ენდობიან და არა შემთხვევითობას, ფინანსურად გაუმართლებთ.
ეცადეთ დასვენებისთვის დრო გამონახოთ. ეს ძალების აღდგენაში და შინაგანი ჰარმონიის შენარჩუნებაში დაგეხმარებათ.
ლომი
თუ თქვენი გული თავისუფალია, რომანტიკული ნაცნობობა გელით. ვარსკვლავების განლაგება თქვენთვის ხელსაყრელია, ამიტომ პირად ცხოვრებაში პოზიტიური პერიოდი იწყება.
გამორიცხული არ არის, რომ საკუთარი შეხედულებების დაცვა მოგიწიოთ. ვარსკვლავები გირჩევენ, რომ დათმობებზე არ წახვიდეთ. ახალი პროექტის დაწყებას ნუ იჩქარებთ, ჯერ ყველაფერი კარგად აწონ-დაწონეთ. თუ შანსი ხელიდან გაუშვით, ეს საქმე სათქვენო არ იყო და არ უნდა ინერვიულოთ.
ამ დღეს ძვირად ღირებულ ნივთებს ნუ შეიძენთ, რადგან შესაძლოა, უხარისხო აღმოჩნდეს. საღამო ჯანმრთელობას და გარეგნობაზე ზრუნვას დაუთმეთ. ფრთხილად იყავით უცხო საკვებთან – არსებობს მოწამვლის რისკი.
ქალწული
პირად ცხოვრებაში სერიოზული ცვლილებები გელით. წვეულებაზე გაიცნობთ ადამიანს, რომელიც შეიძლება თქვენს ცხოვრებაში მნიშვნელოვანი ადამიანი გახდეს. ეცადეთ ოჯახის წევრებს მეტი ყურადღება დაუთმოთ. ნუ მოგერიდებათ სიყვარულისა და პატივისცემის გამოხატვა მათ მიმართ, ვინც მუდამ თქვენ გვერდითაა.
გუნდური მუშაობისა და მნიშვნელოვანი საკითხების მოსაგვარებლად მზად ხართ, თუმცა შეიძლება თქვენი გეგმები მოულოდნელმა დაბრკოლებებმა შეაფერხოს. საღამოს შეგიძლიათ საკუთარი თავი გემრიელი ვახშმით, სპა-სალონში ვიზიტით ან დიდი ხნის ნანატრი ნივთის შეძენით გაახაროთ. გარდერობის განახლება, ვარცხნილობის შეცვლა ან ახალი სამოსი განწყობას გაგიუმჯობესებთ და თქვენს ბუნებრივ მიმზიდველობას გააძლიერებს.
სასწორი
ახალი გატაცება ან მსუბუქი ფლირტი გელით. ვარსკვლავები გაფრთხილებენ, რომ გრძნობების შეკავებამ შესაძლოა თაყვანისმცემლის ღირსებებისა და ნაკლოვანებების სწორად შეფასებაში ხელი შეგიშალოთ.
მეგობრების მოულოდნელი სტუმრობა დიდ სიამოვნებას მოგანიჭებთ. ზოგიერთ სასწორს დიდი ხნის წინ გაწყვეტილი ურთიერთობის აღდგენის შანსი მიეცემა.
ახლახან დაწყებული საქმიანი თანამშრომლობა წარმატებული იქნება, თუმცა გაითვალისწინეთ, რომ ფინანსური პრობლემების მოგვარება დამოუკიდებლად მოგიწევთ. ეცადეთ ბიუჯეტი გონივრულად დაგეგმოთ და ზედმეტ ხარჯებს მოერიდოთ. ამ დღეს მთვარე თქვენზე დიდ გავლენას ახდენს, რაც ენერგეტიკულად დაუცველს გხდით.
მორიელი
დაშორებას ყოველთვის მოჰყვება ახალი შეხვედრა — ასე რომ, თუ ვინმემ გული გატკინათ, ამაზე დიდხანს არ იდარდოთ.
ხელსაყრელი დროა ძველი კავშირების აღდგენისა და სხვადასხვა თანამშრომლობისთვის. დღეიდან თქვენი ავტორიტეტი მნიშვნელოვნად გაიზრდება, რაც კარიერულ წინსვლაზე დადებითად აისახება. ის, რასაც ბოლო დროს აკეთებთ, უკვე ხელშესახებ შედეგებს იძლევა.
უფლება მიეცით საკუთარ თავს, რომ საქმეებისა და ფულზე ფიქრისგან ცოტა ხნით დაისვენოთ. კარგად გამოიძინეთ, ნერვებს გაუფრთხილდით, სწორად იკვებეთ და მეტი იმოძრავეთ.
მშვილდოსანი
საღამოს შანსი გექნებათ, რომ დრო სასიამოვნო გარემოცვაში გაატაროთ. პოზიტიური აზროვნება ნამდვილი მაგიაა და მას ცხოვრების შეცვლა შეუძლია. წაიკითხეთ რაიმე შთამაგონებელი ან პოზიტიურ ფილმს უყურეთ. ეცადეთ, საკუთარ თავში საყრდენი იპოვოთ და გარშემომყოფების გავლენის ქვეშ ნუ მოექცევით.
მატერიალური კეთილდღეობისკენ მიმართული ძალისხმევა მალე ნაყოფს გამოიღებს, თუმცა ნუ მოდუნდებით – კონკურენტები ფეხდაფეხ მოგყვებიან. პროფილაქტიკური შემოწმების დროა – წელიწადში ერთხელ ეს აუცილებელია და დიდ დროს არ წაგართმევთ.
თხის რქა
შესაძლოა მოგეჩვენოთ, რომ საყვარელ ადამიანთან ურთიერთობა ზედმეტად ერთფეროვანი გახდა. ოჯახური დაძაბულობა შესაძლოა ღია კონფლიქტში გადაიზარდოს. გირჩევთ, თქვენი პოზიცია და არგუმენტები წინასწარ მოიფიქროთ. არ დაივიწყოთ, რომ საქმისა და საკუთარი სარგებლისთვის ხანდახან დათმობაზე წასვლაა საჭირო. ფინანსურ მდგომარეობაზე ნუ ინერვიულებთ – პრობლემები მოსალოდნელი არ არის.
ამ დღეს ინტუიცია უჩვეულოდ გამძაფრდება და ღირებულ მინიშნებებს მოგცემთ, რომლებიც უნდა გაითვალისწინოთ. თუ შინაგან შფოთვას გრძნობთ, სპორტით ან მედიტაციით დაკავდით – ეს დაძაბულობის მოხსნასა და განწყობის გაუმჯობესებაში დაგეხმარებათ. მიეცით საკუთარ თავს ძალების აღდგენის დრო.
მერწყული
პატიებისა და დათმობის არცოდნა თქვენს სასიყვარულო ურთიერთობაზე ნეგატიურად აისახება. შესაძლოა ისეთ სიტუაციაში აღმოჩნდეთ, როცა საყვარელი ადამიანი ზურგს შეგაქცევთ.
სამსახურში შემოწმებებისთვის მოემზადეთ და საბუთები და ანგარიშები მოაწესრიგეთ. თუ თავს კარგად წარმოაჩენთ, შეგიძლიათ ფინანსური ბონუსის იმედიც გქონდეთ.
ამჟამად თქვენი ენერგეტიკული ფონი მწვერვალზეა, ამიტომ ყველა რთული და საპასუხისმგებლო საქმე სწორედ დღეისთვის დაგეგმეთ.
თევზები
მარტოხელა თევზებმა შესაძლოა, დღეს ცხოვრების მეგზური გაიცნონ, მაგრამ ამისთვის, სულ მცირე, სახლიდან გასვლა და გახსნილობაა საჭირო.
ნუ გაუზიარებთ კოლეგებს პირადი ცხოვრების დეტალებს — რატომ უნდა მისცეთ ჭორების მოყვარულებს ზედმეტი მიზეზი? მონაწილეობა მიიღეთ საქველმოქმედო აქციებში, გათამაშებებსა თუ სარეკლამო კამპანიებში — ახლა ფინანსური მოგების მაღალი შანსი გაქვთ.
შესაძლოა, საღამოს ხალხმრავალ წვეულებაზე მიგიწვიონ, მაგრამ დიდხანს ნუ დარჩებით – ახლა ძალების აღდგენისთვის მშვიდი დასვენება და სრულყოფილი ძილი გჭირდებათ.
იზრუნეთ ჯანმრთელობაზე და ყურადღება მიაქციეთ სხეულიდან მომავალ სიგნალებს.