რას გვირჩევენ ვარსკვლავები 4 იანვრისთვის ჯანმრთელობის, ბიზნესის და სიყვარულის მიმართულებით?
ვერძი
თუ პირადი ცხოვრების აწყობას ვერ ახერხებთ, იმიჯის შეცვლა უნდა სცადოთ. გამონახეთ დრო სასიამოვნო ამბებისთვის და მეგობრების გვერდით ყოფნით დატკბით.
ეს დღე ხელსაყრელია როგორც მუშაობის, ისე დასვენებისთვის – უსიამოვნებები გვერდს აგივლით და ყველაფერი, რაც დაგეგმეთ, გამოგივათ. დიდი ალბათობით, მალე მნიშვნელოვანი მოვლენა მოხდება.
ბიზნესმენები ფინანსური შემოწმებისთვის უნდა მოემზადონ – მოაწესრიგეთ საქმიანი ქაღალდები და საჭიროების შემთხვევაში, ბუღალტრული აუთსორსინგით ისარგებლეთ.
საახალწლო დღეების მენიუმ შეიძლება თქვენს ფიგურაზე უარყოფითად იმოქმედოს, ამიტომ დროა, დელიკატესები ჯანსაღი სალათებით ჩაანაცვლოთ.
კურო
ამ დღეს რომანტიკული პაემანი გელით ადამიანთან, რომელიც წარსულში თქვენთვის ბევრს ნიშნავდა.
ყურადღება მიაქციეთ რუტინულ საქმეებს, დაალაგეთ სამუშაო მაგიდა და შეამოწმეთ საქმიანი ქაღალდები – შეიძლება მალე რომელიმე დაგჭირდეთ. შუადღისას შესაძლოა მნიშვნელოვანი ამბავი შეიტყოთ, რომელიც გეგმების შეცვლას გაიძულებთ. მომდევნო 24 საათის განმავლობაში შეგიძლიათ საქმიანი ხელშეკრულება დადოთ და ოფიციალური მოლაპარაკებები აწარმოოთ. სავარაუდოდ, კომერციულ და ეკონომიკურ საქმიანობაში წარმატებას მიაღწევთ. სამსახურში ბევრი ახალი საქმე გამოჩნდება, რომლებსაც თავს მხოლოდ თქვენ თუ გაართმევთ.
დღეს წყალს განსაკუთრებული ენერგეტიკა აქვს, თუმცა გაციების რისკიც დიდია. გაუფრთხილდით ჯანმრთელობას და ფიზიკური ვარჯიშებით ნუ გადაიღლებით.
ტყუპები
შესაძლოა, ამ დღეს საკუთარ თავთან მარტო დარჩენის სურვილი გაგიჩნდეთ. ეს იმის ნიშანია, რომ დასვენება და საქმიანობის ვექტორის შეცვლა გჭირდებათ. საყვარელი ადამიანის შესახებ ახალ ამბავს შეიტყობთ, რამაც შეიძლება მასზე წარმოდგენა შეგიცვალოთ.
სამსახურებრივ საქმეებში წარმატება თქვენს აქტიურობაზეა დამოკიდებული, ამიტომ დროს ფუჭად ნუ დაკარგავთ და პროფესიულ განვითარებაზე კონცენტრირდით. ეცადეთ ფული გონივრულად ხარჯოთ, თორემ შეიძლება ოჯახური ბიუჯეტი დააცარიელოთ.
ამ დღეს ბასრ საგნებთან სიფრთხილე უნდა გამოიჩინოთ — ჭრილობა ინფექციის გამო დიდხანს არ შეხორცდება. დღის მეორე ნახევარი ხელსაყრელია ფიზიკური ვარჯიშისთვის.
კირჩხიბი
გამორიცხული არ არის, რომ მარტოხლა კუროები ამ დღეს ან უახლოეს დღეებში მომავალ მეუღლეს შეხვდნენ. ფულისა და ფინანსური კეთილდღეობის დევნაში ახლობლები არ დაივიწყოთ – ადამიანები, რომლებსაც უყვარხართ, თქვენს ცხოვრებაში მთავარ ადგილს უნდა იკავებდნენ.
ამ დღეს განსაკუთრებულ აქტიურობას იურიდიულ სფეროში დასაქმებული კირჩხიბები გამოიჩენენ. სამართლებრივი საკითხების მოგვარება კარგად დასრულდება. შესაძლოა, ფულის შოვნის ან წარმატებული ინვესტიციის ახალი შესაძლებლობები გაჩნდეს და თქვენი ფინანსური მდგომარეობა გაუმჯობესდეს. მზად იყავით რისკისთვის და გადაწყვეტილებები კარგად აწონ-დაწონეთ.
ახლა სტრესის ალკოჰოლით მოხსნა არ ღირს, რადგან მათრობელა სასმელი თქვენს განწყობას მხოლოდ გააუარესებს.
ლომი
ამ დღეს ნურავის რჩევას ნუ მოუსმენთ, განსაკუთრებით ქალებისას — ისინი ჩანაფიქრის განხორციელებაში ხელს შეგიშლიან. წარმატებული დღეა როგორც ერთობლივი საქმეების დაგეგმვის, ისე აქტიური დასვენებისა და რომანტიკული პაემნისთვის.
მალე შესაძლებლობა გექნებათ, რომ ოჯახის წევრებსა და ახლობლებს მეტი დრო დაუთმოთ. თბილი ოჯახური გარემო ახალი მიღწევებისთვის ძალას შეგმატებთ. თუ საჭიროა, დახმარების თხოვნა ნუ მოგერიდებათ — ზოგჯერ კოლექტიური გონება უფრო ეფექტურია, ვიდრე ინდივიდუალური. თქვენი ფინანსური ინტუიცია დღეს პიკზეა, ამიტომ საკუთარ ალღოს ენდეთ.
თუ მომდევნო 24 საათის განმავლობაში თავს შეუძლოდ იგრძნობთ, რჩევისთვის ექიმს მიმართეთ.
ქალწული
ხელსაყრელი დღეა სასიყვარულო შეხვედრებისთვის — როგორც ურთიერთობის დასაწყებად, ისე გასაგრძელებლად. გირჩევთ, მეუღლესთან თქვენი პრობლემები განიხილეთ და ნუ დამალავთ განცდებს, რომლებიც ბოლო დროს მოსვენებას არ გაძლევთ.
სამსახურში მოსალოდნელია სირთულეები. სასურველია ყველა პრობლემა ახლავე მოაგვაროთ და მომავლისთვის არ გადადოთ. მოდურ ბუტიკებში სიარულისგან თავი შეიკავეთ — არსებობს ფულის ფუჭად ხარჯვის რისკი. შესაძლოა, დღის მეორე ნახევარში უსიამოვნო ადამიანებთან ურთიერთობა მოგიწიოთ, თუმცა გახსოვდეთ, რომ პროვოკაციებს არ უნდა აჰყვეთ. სჯობს საკუთარ ფიქრებთან დარჩეთ და სიტუაცია დუმილით დაძლიოთ — უხერხულობას მხოლოდ ასე აირიდებთ თავიდან.
სასწორი
ხანდახან ოჯახის წევრები უადგილო შენიშვნებით ან უადგილო ხუმრობით ძალიან გვაღიზიანებენ, მაგრამ თავს უხეშობის და აგრესიის უფლებას ნუ მისცემთ. სიმშვიდე შეინარჩუნეთ და ერთი შეხედვით უიმედო სიტუაციიდანაც კი გამოსავალს ადვილად იპოვით.
თამამად დაიწყეთ ახალი პროექტი და ნუ შეგეშინდებათ, რომ თქვენი ძალისხმევა ამაო იქნება. მოიშორეთ მძიმე ფიქრები – მათ შეუძლიათ თქვენს განწყობაზე და ფიზიკურ მდგომარეობაზე გავლენა მოახდინონ.
შესაძლოა, ახლობელი ადამიანის ოჯახში მოულოდნელად შეხვდეთ ადამიანს, რომელიც თქვენში დიდ ინტერესს გამოიწვევს.
მორიელი
ამ დღეს ძველ მეგობრებთან შეხვედრა ან სასიყვარულო თავგადასავალი გელით. გამორიცხული არ არის, რომ დღის მეორე ნახევარში თქვენს რომანტიკულ ცხოვრებაში ახალი ეტაპი დაიწყოს. გახსოვდეთ, რომ ოჯახის წევრებმა ერთმანეთზე უნდა იზრუნონ! დაეხმარეთ ახლობელ ადამიანებს და ეს თქვენს ურთიერთობებს განამტკიცებს.
შესაძლოა, თქვენმა უშუალო ხელმძღვანელმა მალე მნიშვნელოვანი შეცდომა დაუშვას და ამან სამსახურში საკადრო ცვლილებები გამოიწვიოს. ფინანსურ პრობლემებს გულთან ახლოს ნუ მიიტანთ — მდგომარეობა მალე გამოსწორდება.
ამ დღე-ღამის განმავლობაში ნებისმიერი კოსმეტიკური პროცედურა აკრძალულია, მაშინაც კი, თუ უსაფრთხოდ გეჩვენებათ. ყურადღება მიაქციეთ საჭმლის მომნელებელი სისტემის მდგომარეობას.
მშვილდოსანი
მარტოხელა მშვილდოსანმა შესაძლოა, მომდევნო 24 საათში ძალიან სასიამოვნო ადამიანი გაიცნოს, რომელიც, სავარაუდოდ, მის ცხოვრებაში მნიშვნელოვან ადგილს დაიკავებს. პარტნიორთან კინკლაობამ და კამათმა შესაძლოა სულიერი შფოთვა გამოიწვიოს, ამიტომ სჯობს ეს დღე ოჯახისგან მოშორებით გაატაროთ.
წარმატების მისაღწევად ინტელექტუალური შესაძლებლობების მაქსიმალურად გამოვლენა მოგიწევთ. უფროსთან კარგი ურთიერთობის დამყარებას და ღირსეული ჯილდოს მიღებას შეძლებთ. ეცადეთ, იოლი ფულის შოვნის ცდუნებას არ აჰყვეთ — ცხოვრებაში თავისთავად არაფერი მოდის. ვიღაცამ შეიძლება თქვენი მოტყუება სცადოს, ამიტომ ნებისმიერი ინფორმაცია გადაამოწმეთ.
ხელსაყრელი დღეა მედიტაციისა და იოგასთვის.
თხის რქა
წარუმატებლად დასრულებული რომანი შესაძლოა სულიერი ტანჯვის მიზეზი გახდეს, თუმცა გახსოვდეთ, რომ ცხოვრება ამით არ მთავრდება და ბედნიერებას აუცილებლად იპოვით!
მოგიწევთ, დრო დაუთმოთ ნათესავებს, რომლებიც თხოვნით მოგმართავენ, თუმცა, თქვენც შეგიძლიათ მათი დახმარების იმედი გქონდეთ.
მალე სამუშაო გეგმების არაფორმალურ გარემოში განხილვის შესაძლებლობა გამოჩნდება. ვარსკვლავები გპირდებიან, რომ მოლაპარაკებები წარმატებით ჩაივლის. დღის დევიზია: კეთილშობილება, ურთიერთობა და სულიერი წონასწორობა. ბიზნესმენებს შესაძლოა პრობლემები შეექმნათ: მოსალოდნელია ფინანსური დანაკარგი ან მცირე დაბრკოლებები.
დღეს შეგიძლიათ საკუთარი თავი სხვადასხვა დელიკატესით გაანებივროთ, მთავარია – ზომიერება დაიცვათ.
მერწყული
ამ დღეს ვარსკვლავების განსაკუთრებულ კეთილგანწყობას ნუ ელოდებით — ჯერ თქვენი დრო არ დამდგარა. საკუთარ სიმართლეში ეჭვი ნუ შეგეპარებათ. სიფრთხილით მოეკიდეთ იმ ადამიანების რჩევებს, რომლებსაც კარგად არ იცნობთ.
კომერციულ სფეროში მოსალოდნელია პროცესების შენელება, ამიტომ გარიგებები დროულად ვერ გაფორმდება. როდესაც ბაზარზე არასტაბილურობაა, გაბედული ფინანსური ოპერაციები შესაძლოა ზედმეტად რისკიანი აღმოჩნდეს.
უახლოეს პერიოდში თქვენი მთავარი მტერი ცომეული და ტკბილეული იქნება. სცადეთ მენიუ ხილ-ბოსტნეულით გაამდიდროთ და გაამრავალფეროვნოთ.
თევზები
შესაძლოა, ზედმეტი ეჭვიანობისა და უნდობლობის გამო ურთიერთობაში ბზარი გაჩნდეს. უახლოეს დღეებში თქვენთვის პრიორიტეტული კარიერული წინსვლის საკითხები გახდება, თუმცა სასურველის მიღწევა იოლი არ იქნება.
დღეს, აზარტული თამაშების გარდა, იღბალი ყველა საქმეში გაგიღიმებთ. თუ მეტს მოუსმენთ და ნაკლებს ილაპარაკებთ, შეიძლება ისეთი რამ გაიგოთ, რაც სამომავლოდ ძალიან გამოგადგებათ.
user