რას გვირჩევენ ვარსკვლავები 31 დეკემბრისთვის ჯანმრთელობის, ბიზნესის და სიყვარულის მიმართულებით?
ვერძი
ამ დღეს ფარული თაყვანისმცემელი გამოგიჩნდებათ, თუმცა, ვარსკვლავები ამბობენ, რომ ახალი რომანის დასაწყებად არახელსაყრელი დროა.
წინ საკმაოდ მძიმე დღე გელით – მთლიანად საქმეებში იქნებით ჩაფლული, რის გამოც ახლობლებისთვის დრო აღარ დაგრჩებათ, მათ კი თქვენი მხარდაჭერა სჭირდებათ.
სამსახურში იღბალი გაგიღიმებთ, შესაძლოა ხელმძღვანელობისგან შექებაც დაიმსახუროთ, თუმცა ფრთხილად იყავით – შეიძლება ვიღაცას თქვენი წარმატება არ მოეწონოს. გამორიცხული არ არის უფროსთან დაპირისპირება, მაგრამ საბოლოოდ, კონფლიქტსაც აღმოფხვრით და შეიძლება პრემია ან დაწინაურებაც კი მიიღოთ.
კურო
დილიდან რომანტიკულ განწყობაზე იქნებით, მაგრამ მოახლოებული დღესასწაულის გამო მთელ დღეს საყოფაცხოვრებო და სამეურნეო საქმეებს დაუთმობთ. სახლში წესრიგის დამყარება შინაგანი სიმშვიდის მოპოვებაში დაგეხმარებათ. თუ ძველ შეცდომებს აღარ გაიმეორებთ, ყველა უთანხმოების მოგვარებას შეძლებთ.
შემოქმედებითი პოტენციალი იზრდება, რაც ახალი საქმის წარმატებით დასრულებაში დიდ სამსახურს გაგიწევთ. ეცადეთ, მოდუნება და ყველაფერში პოზიტივის დანახვა ისწავლოთ. საღამოს შეგიძლიათ თავი შოპინგით გაინებივროთ.
ტყუპები
შესაძლოა, ამ დღეს ძვირფას ადამიანთან დიალოგის სასარგებლოდ რაღაც მნიშვნელოვანის დათმობა მოგიხდეთ, თუმცა შედეგით კმაყოფილი დარჩებით. ახლობელი ადამიანი რჩევას გკითხავთ, მაგრამ გაითვალისწინეთ, რომ მან შეიძლება პასუხისმგებლობის თქვენზე გადმობარება სცადოს.
ეცადეთ, დასვენების დღეები ოჯახისა და საკუთარი თავისთვის სასარგებლოდ გამოიყენოთ. თუ ბოლო დროს ფინანსურ პრობლემებს უჩიოდით, გილოცავთ – სირთულეების ეტაპი დასრულდა და მალე საოცნებო ნივთის შეძენას შეძლებთ.
ეს დღე იდეალურია ნებისმიერი ფიზიკური აქტივობისთვის – სირბილის, ვარჯიშის ან თუნდაც სახლის დასუფთავებისა და ავეჯის გადაადგილებისთვის.
კირჩხიბი
რომანტიკული განცდებისა და მთვარის შუქზე სეირნობის დრო ჯერ არ დამდგარა, თუმცა ეს არ ნიშნავს, რომ სასიყვარულო თავგადასავლის შანსი არ გაქვთ.
ამ დღეს ახლობელ ადამიანებთან უხეშობის გამოჩენას მოერიდეთ და ეცადეთ შეურიგდეთ მათ, ვისთანაც უთანხმოება გაქვთ.
საბუთები მოაწესრიგეთ. საქმეები, რომლებშიც ახლა ძალისხმევას ჩადებთ, მომავალში აუცილებლად შემოსავალს მოგიტანთ. გადამწყვეტი მოქმედებები თქვენი წარმატების გასაღები გახდება, თუმცა სასურველ შედეგს მხოლოდ ისინი მიაღწევენ, ვისაც ერთ კონკრეტულ ამოცანაზე კონცენტრირება შეუძლია.
მოსალოდნელია უსიამოვნო ამბების გაგება, რამაც შესაძლოა გუნება-განწყობა გაგიფუჭოთ, თუმცა ასტროლოგები გირჩევენ, მათ ყურადღება არ მიაქციოთ – დიდი ალბათობით, ეს ინფორმაცია მცდარია!
ლომი
თქვენი თავმოყვარეობა ახლა განსაკუთრებით გამძაფრებულია, რამაც შესაძლოა საყვარელ ადამიანთან დაპირისპირება გამოიწვიოს. ეცადეთ, კამათი დიდხანს არ გაჭიანურდეს. მოერიდეთ რადიკალურ ნაბიჯებს, უსაფუძვლო რისკსა და ცდუნებებს. რეალური მიზნები დაისახეთ და თამასას მიუღწეველ დონეზე ნუ ასწევთ.
უახლოეს დღეებში კოლეგები სირთულეების დაძლევაში დაგეხმარებიან და ეცადეთ, არც თქვენ დააღალატოთ ისინი. ფინანსური მდგომარეობის გაუმჯობესება ჩანაფიქრის განხორციელების საშუალებას მოგცემთ.
ყურადღება მიაქციეთ ჯანმრთელობას – იმუნიტეტის დაქვეითების გამო შესაძლოა ქრონიკულმა დაავადებებმა თავი შეგახსენოთ – ვიტამინები მიიღეთ.
ქალწული
ამ დღეს სიყვარულით იქნებით სავსე და ამ გრძნობას გარშემომყოფებსაც გაუზიარებთ. საკუთარ თავში იმ უნიკალურ თვისებებს აღმოაჩენთ, რაც ასეთ მიმზიდველს გხდით. მოსალოდნელია ახალი, საინტერესო ნაცნობობა, რომელიც მომავალში მეგობრობაში გადაიზრდება. თქვენს წარმატებას მხოლოდ ეჭვები და სიახლის შიში აფერხებს.
ფინანსური მდგომარეობა გაუმჯობესდება და თქვენს მაცივარში იმდენი დელიკატესი გაჩნდება, რომ ადრე თუ გვიან დიეტაზე დაჯდომა მოგიწევთ. ამ პერიოდში თქვენი სუსტი წერტილი საჭმლის მომნელებელი სისტემაა, ამიტომ კვებაში ზომიერება დაიცვათ და ალკოჰოლს მოერიდეთ.
სასწორი
თუ იმ ადამიანის მოხიბვლა გსურთ, ვინც თქვენი ყურადღება მიიპყრო, მთავარი პირობა დაიცავით და ნუ აჩვენებთ, რომ მის მიმართ გულგრილი არ ხართ. საღამოს ახლობლების წრეში, სადღესასწაულო სუფრასთან გაატარებთ და გასული წლის სასიამოვნო წუთებს გაიხსენებთ. წინ კარგი დღე გელით, რომელიც სავსე იქნება მნიშვნელოვანი გადაწყვეტილებებით, რაც ოჯახში თქვენს პოზიციას განამტკიცებს.
მოსალოდნელია დამატებითი შემოსავალი, რომლის დახარჯვაც მნიშვნელოვან საქმეზე მოგინდებათ – მაგალითად, საკუთარ ჯანმრთელობასა და სილამაზეზე.
შესაძლოა ქრონიკულმა დაავადებებმა თავი შეგახსენოთ, განსაკუთრებით გულსა და ნერვულ სისტემას გაუფრთხილდით.
მორიელი
თქვენსა და თქვენს პარტნიორს შორის გაუგებრობამ მოიმატა? შესაძლოა, ეს იმის ნიშანია, რომ თქვენი რომანი დასასრულს უახლოვდება. შესაძლოა, მშობლები შვილების მხრიდან წინააღმდეგობას წააწყდნენ, თუმცა სადღესასწაულო განწყობა წყენას დაგავიწყებთ.
გამორიცხული არ არის ცვლილებები კარიერაში, თუმცა თუ რა მიმართულებით – ეს მხოლოდ თქვენზეა დამოკიდებული. ახალგაზრდებს ვურჩევთ, დრო გართობასა და პაემნებზე არ ფლანგონ, თორემ წარმატების მიღწევა გაუჭირდებათ.
ფინანსების მხრივ სანერვიულო არაფერი გაქვთ – შეგიძლიათ ფული საკუთარი სიამოვნებისთვის დახარჯოთ. ძლიერი იმუნიტეტი გაქვთ, თუმცა ეს იმას არ ნიშნავს, რომ საკუთარ ორგანიზმს გამოცდა მოუწყოთ, განსაკუთრებით სუფრასთან.
მშვილდოსანი
მიმდინარე ასტროლოგიური მოვლენები თქვენს ცხოვრებაზე სასიკეთო გავლენას მოახდენს. დაოჯახებული მშვილდოსნის ოჯახური ურთიერთობები უფრო მყარი და საიმედო გახდება, მარტოხელა კი შეიძლება მალე საკუთარ ბედს შეხვდეს!
მერკურისა და იუპიტერის ნეგატიური გავლენა მინიმუმამდე შემცირდება. თუ თქვენი სამსახური ფინანსებს ან ბუღალტერიას უკავშირდება, საბუთებთან მუშაობა დიდ დროსა და ენერგიას წაგართმევთ, თუმცა სადღესასწაულო ფუსფუსი ძალების აღდგენაში დაგეხმარებათ.
მოულოდნელი შემოსავალი ან საჩუქრები გელით. ამ დღეს ნებისმიერი უსიამოვნო სიმპტომი გაფრთხილებად მიიღეთ და დაფიქრდით, რისი შეცვლაა საჭირო თქვენს ცხოვრებაში.
თხის რქა
ცვლილებების სურვილი გაგიჩნდებათ და მნიშვნელობა არ აქვს, შედეგი რა იქნება. საბედნიეროდ, ვარსკვლავები თქვენს მხარეს არიან – უსმინეთ გულს და ისე მოიქეცით, როგორც ის გიკარნახებთ.
ბოლო დროს სამუშაო თქვენს პრიორიტეტად იქცა, რაც ახლობლებთან ურთიერთობაზე უარყოფითად აისახება. ნუ მისცემთ სამსახურებრივ მოვალეობებს თქვენი პირადი ცხოვრების გაფუჭების უფლებას!
ვარსკვლავები გირჩევენ ფინანსები რაციონალურად ხარჯოთ, თუმცა მნიშვნელოვანი ფინანსური პრობლემები უახლოეს მომავალში მოსალოდნელი არაა.
მერწყული
პირად ცხოვრებაში ცვლილებები მოსალოდნელი არ არის, რაც შესანიშნავია, რადგან პარტნიორთან ურთიერთობა იდეალურად ვითარდება. შესაძლოა, ახლობელ ადამიანს თქვენი დახმარება დასჭირდეს და იმედი არ გაუცრუოთ.
სამსახურში დიდი დატვირთვა გელით, თუმცა ამას თავისი პლუსები აქვს – საკუთარ თავში ისეთ უნარებს აღმოაჩენთ, რომლებზეც არაფერი იცოდით. პლანეტების განლაგება ხელსაყრელ პირობებს ქმნის შემოსავლების ზრდისა და პროფესიონალებთან ნაყოფიერი თანამშრომლობისთვის.
ახალი წლიდან იწყება ემოციური განახლების პერიოდი. ადამიანები, რომლებსაც დღეს გაიცნობთ, თქვენს მომავალში დიდ როლს ითამაშებენ. შესაძლოა გაგიჩნდეთ ახალი იდეები, თუმცა მაინც სიფრთხილე გმართებთ.
თევზები
ეს დღე სასიყვარულო სფეროში საკმაოდ დატვირთული იქნება. შესაძლოა, პარტნიორთან უთანხმოება მოგივიდეთ, მაგრამ საახალწლო განწყობა და გულწრფელი დიალოგი ნებისმიერ გაუგებრობას აღმოფხვრის.
დღეს სხვისი პრობლემების მოგვარება მოგიწევთ. ხელსაყრელი დროა დიდი ხნის წინ დასახული გეგმების განსახორციელებლად. იყავით მზად მოულოდნელი ფინანსური ბონუსისთვის – დღეს იღბალი ფინანსურ საკითხებში თქვენს მხარესაა. უარს ნუ იტყვით შეთავაზებებზე, რათა შანსი ხელიდან არ გაუშვათ.
თუ დიეტას იცავთ ან აქტიურად ვარჯიშობთ, ახლა მცირე შესვენების დროა.
user