25 დეკემბერს, ცენტრალურ საბერძნეთში, ვარდუსიის მთებში დაკარგული ოთხი მოლაშქრე გარდაცვლილი იპოვეს, ისინი ზვავის ქვეშ მოყვნენ. ინფორმაციას BBC ავრცელებს.
საბერძნეთის სახელმწიფო მაუწყებლის, ERT-ის ცნობით, პარასკევს საღამოს, ფოკისის მთიან რეგიონში მასშტაბური ძებნის შემდეგ სამი მამაკაცისა და ერთი ქალის ცხედარი იპოვეს.
მეხანძრეებმა ნაწილობრივ თოვლით დაფარული ცხედრები კორაკასის მწვერვალთან ახლოს, ციცაბო და მიუწვდომელ ფერდობზე, დაახლოებით 2000 მეტრის სიმაღლეზე აღმოაჩინეს. მაშველებმა განაცხადეს, რომ ჯგუფს ზვავმა გადაუარა.
ხელისუფლების ცნობით, მოლაშქრეებმა ასვლა ხელსაყრელ ამინდში დაიწყეს, თუმცა სიმაღლისა და რელიეფის გამო პირობები სწრაფად გაუარესდა.