რას გვირჩევენ ვარსკვლავები 28 დეკემბრისთვის ჯანმრთელობის, ბიზნესის და სიყვარულის მიმართულებით?
ვერძი
ვარსკვლავები რომანტიკულ ურთიერთობებში წარმატებას გპირდებიან. ეცადეთ, ხანმოკლე შვებულება აიღოთ და ეს დრო მთლიანად პირად ცხოვრებას დაუთმოთ. გაითვალისწინეთ, რომ უხეშობასა და მტრობას უახლოეს მომავალში “ბუმერანგის ეფექტი” ექნება, ამიტომ გირჩევთ, მშვიდობა დაამყაროთ მათთან, ვისთანაც ადრე კონფლიქტი გქონდათ.
შემოქმედებითი პროფესიის ვერძებს შთაგონების მოზღვავება ელით — სურვილი გექნებათ, რომ მხოლოდ შემოქმედებით დაკავდეთ და სხვა საკითხებზე დრო არ დაკარგოთ. სანერვიულო არაფერი გაქვთ, ფინანსური მდგომარეობა სტაბილური გახდება, თუმცა ერთ ადგილას ნუ გაჩერდებით და განვითარება განაგრძეთ!
ვერძების უმეტესობა დღეს კარგ განწყობაზე იქნება, რაც თქვენს ფიზიკურ მდგომარეობაზეც დადებითად აისახება.
კურო
შესანიშნავად გამოიყურებით, მხნე და ენერგიული ხართ. გირჩევთ, ეს დრო ურთიერთობებისა და ახალი ნაცნობობისთვის გამოიყენოთ. შესაფერისი დროა მშობლების მოსანახულებლად, ძველი კავშირების აღსადგენად და ოჯახური ტრადიციების გასახსენებლად.
სამსახურში თუ ერთმანეთის უნარებისა თუ მიღწევების შედარებას დაიწყებთ, კოლეგასთან კონფლიქტს თავიდან ვერ აიცილებთ.
ამ დღეს ბევრი კურო საკუთარ უსაფრთხოებაზე იფიქრებს. აკონტროლეთ არტერიული წნევა, განსაკუთრებით თუ ჰიპერტონია გაწუხებთ.
ტყუპები
პირად ცხოვრებაში შესაძლოა მცირე არასტაბილურობა იგრძნოთ, მაგრამ ნუ ინერვიულებთ – ეს დროებითი პრობლემებია და მალე ყველაფერი გამოსწორდება. ეცადეთ, კომფორტის ზონიდან გამოხვიდეთ და სიახლეები მოსინჯოთ. შესაძლოა ახლობელ ადამიანს თქვენი რჩევა დასჭირდეს.
ბიზნესმენებისთვის ეს დღე მოგებიან ხელშეკრულებებსა და საჭირო კავშირებს მოიტანს. ნუ მოგერიდებათ დახმარების თხოვნა, როცა ეს საჭიროა. ფინანსებთან დაკავშირებით მნიშვნელოვანი გადაწყვეტილების მიღება მოგიწევთ — ფრთხილად იყავით, რომ შეცდომა არ დაუშვათ.
საღამოს მოერიდეთ სტრესს და საყვარელ ადამიანთან ერთად სეირნობისთვის დრო გამონახეთ.
კირჩხიბი
ურთიერთობებში განსაკუთრებული პერიოდი გეწყებათ. თქვენ და თქვენი მეორე ნახევარი სიყვარულით ხართ სავსე, ამიტომ ეცადეთ, განმარტოებისა და დასვენების დრო გამონახოთ. ახლა მთავარია, კამათსა და სკანდალებს მოერიდოთ, შინაგანი საყრდენი იპოვოთ და საკუთარ სურვილებში გაერკვიოთ — ეს გადაღლისგან დაგიცავთ და ურთიერთობებს გააუმჯობესებს.
გახსოვდეთ, რომ დროებითი წარმატება პრობლემებისგან საბოლოოდ არ გაგათავისუფლებთ. ეცადეთ, წვრილმანი უსიამოვნებები დროულად მოაგვაროთ. მალე ფულის დაზოგვის შანსი გაგიჩნდებათ, ხელიდან ნუ გაუშვებთ!
ლომი
არსებობს საფრთხე, რომ ამ დღეს უკიდურესობაში გადავარდეთ ან სასურველი რეალობად მიიჩნიოთ. პირად ცხოვრებაში შესაძლებელია მცირე გართულებები. ემოციებს ნუ მისცემთ თქვენი მართვის უფლებას, წინააღმდეგ შემთხვევაში, გაცხარებულ გულზე შეიძლება ახლობლებს აწყენინოთ.
თუ დიდი ხანია საკუთარი საქმის დაწყებაზე ფიქრობთ, დროა, გამოცდილ ადამიანებთან კონსულტაცია გაიაროთ. დღეს ფინანსური მდგომარეობის გაუმჯობესების შანსი გაქვთ — შემოსავლის ახალი წყარო ან წარმატებული ინვესტიციის შესაძლებლობა გაჩნდება, თუმცა გადაწყვეტილება კარგად უნდა აწონ-დაწონოთ.
ქალწული
არ არის გამორიცხული, რომ მალე შეხვდეთ ადამიანს, რომელსაც ცხოვრებას დაუკავშირებთ, ამიტომ იმიჯის განახლებაზე უნდა იზრუნოთ. ფრთხილად იყავით – დაუფიქრებელმა ნაბიჯმა შეიძლება თქვენთვის ძვირფასი ურთიერთობა გააფუჭოს. სამსახურებრივი საქმეები მოაწესრიგეთ და სტაბილურობას კვლავ იგრძნობთ. შეზღუდეთ ურთიერთობა მათთან, ვინც პატივს არ გცემთ და თქვენს დროს არ აფასებს.
ამ კვირაში განსაკუთრებული ყურადღება მიაქციეთ მხედველობას — მიირთვით სტაფილო, მოცვი ან ვიტამინი A მიიღეთ.
სასწორი
თქვენ და თქვენი პარტნიორი იმდენად განსხვავებულები ხართ, რომ ზოგჯერ მასთან ყოფნა გიჭირთ, თუმცა სინამდვილეში ერთი მთლიანის ორი ნახევარი ხართ. ახლა პლანეტების განლაგება თქვენთვის ხელსაყრელია, ამიტომ ის, რაც ადრე რთულად გეჩვენებოდათ, ადვილად გამოგივათ.
მიხედეთ საქმეებს, რომლებისთვისაც აქამდე დრო არ გყოფნიდათ. თუ კოლეგას დახმარება დასჭირდა, დაეხმარეთ და ერთგულ მეგობარს შეიძენთ.
შესაძლოა, მთავარი სირთულეები კანონის ან სამსახურებრივი წესების დარღვევას უკავშირდებოდეს. გააზრებული მოქმედება წარმატებას მოგიტანთ. შესაძლოა სურვილი გაგიჩნდეთ, რომ საკუთარ ბედში რაღაც შეცვალოთ.
მორიელი
აქტიური ვენერა თავგადასავლებისკენ გიხმობთ! ეს სურვილს გაგიჩენთ, რომ სახლიდან გახვიდეთ და ახალი ადგილები თუ ადამიანები აღმოაჩინოთ. გახსოვდეთ, რომ ფინანსური სირთულეები დროებითია, ამიტომ სიმშვიდე და თავდაჯერება შეინარჩუნეთ. ამ დღეს თქვენი გეგმები საიდუმლოდ უნდა შეინახოთ, თორემ დღის მეორე ნახევარში შეიძლება ყველაფერი ჩაიშალოს.
ახლო მომავალში დიდ ფინანსურ შემოსავლებს არ უნდა ელოდოთ, ამიტომ ფული ეკონომიურად ხარჯეთ. ენერგიას ამაოდ ნუ გაფანტავთ — ის კიდევ დაგჭირდებათ.
ბოლო დროს ფულზე ზედმეტად ბევრს ფიქრობთ და შეიძლება რაღაც უფრო მნიშვნელოვანი, მაგალითად ახლობლებთან ურთიერთობა გამოგრჩეთ.
მშვილდოსანი
ეს პერიოდი ხელსაყრელია პირადი ცხოვრებისთვის, თუმცა ახლის დასაწყებად სტაბილურ ურთიერთობას ნუ დაანგრევთ. ფრთხილად იყავით — თქვენი გადაჭარბებული პრეტენზიების გამო შეიძლება ოჯახურ ბედნიერებას საფრთხე შეექმნას.
ორიგინალურობის მოყვარულებს ვურჩევთ, რამდენიმე დღით თავი შეიკავეთ და ნუ ეცდებით სხვებისგან გამორჩეული იყოთ. მოერიდეთ ფიზიკურ გადატვირთვას და ემოციურ გამოფიტვას, რაც შესაძლოა ნერვული აშლილობის მიზეზი გახდეს.
თხის რქა
თუ ცალმხრივი გრძნობებით დიდხანს იტანჯებოდით ან მეორე ნახევარს უშედეგოდ ეძებდით, იცოდეთ, რომ თქვენი დრო დადგა! ეს დღე წარმატებული იქნება, თუ საყვარელ ადამიანებთან კამათს არ დაიწყებთ. გირჩევთ საოჯახო საქმეებით ან იმით დაკავდეთ, რაც სიამოვნებას განიჭებთ.
პროექტი, რომელზეც ახლა მუშაობთ, შესაძლოა უიმედო აღმოჩნდეს, თუმცა თქვენი შესაშური შრომისმოყვარეობა წარმატების შანსს გიტოვებთ.
თუ მეზობელთან ან ნაცნობთან დაპირისპირება მოგივიდათ, სიმშვიდე შეინარჩუნეთ – სიმართლე თქვენს მხარესაა!
დღეს ვიზაჟისტებთან, კოსმეტოლოგებთან და სხვა სპეციალისტებთან ვიზიტს მოერიდეთ, რადგან შესაძლოა, შედეგი თქვენს მოლოდინს არ დაემთხვეს.
მერწყული
პირად ცხოვრებაში ახალი ეტაპი იწყება. გზაგასაყარზე დგახართ და ახლა ყველაფერი თქვენს არჩევანზეა დამოკიდებული. შესანიშნავი დღეა სახლის დალაგების ან ავეჯის გადაადგილებისთვის — მალე იგრძნობთ, როგორ შეიცვლება აურა თქვენს გარემოში.
თქვენი მიზანდასახულობა წარმატებამდე მიგიყვანთ. თქვენს ჰოროსკოპში მერკური გააქტიურდა – მალე ფინანსური მდგომარეობა გამოსწორდება და დიდი ხნის ნანატრი შენაძენის გაკეთებას შეძლებთ.
ჯანმრთელობის მხრივ ყველაფერი რიგზეა, მთავარია, რეგულარული ვარჯიში არ მიატოვოთ.
თევზები
ამ დღეს ახლობელი ადამიანი სასიამოვნო სიურპრიზს მოგიწყობთ. იუპიტერისა და ვენერას სექსტილი თქვენი რომანის წარმატებულ განვითარებაზე მიუთითებს.
ნათესავებისა და მეგობრების გარემოცვაში დიდი დროის გატარება მოგიწევთ. ეს დღე ხელსაყრელია მათთვის, ვისაც გარემოებებთან ადაპტაცია შეუძლია.
სამსახურში დილას შესაძლოა მცირე უთანხმოება გქონდეთ, თუმცა თქვენი ტაქტისა და პოზიტივის წყალობით, საქმე დიდ კონფლიქტამდე არ მივა.
წარმატებული დღეა ნოტარიული დოკუმენტების გასაფორმებლად და ხელმძღვანელობასთან ურთიერთობისთვის. შესაძლოა მოვლენების მსვლელობა თქვენ სასარგებლოდ შეცვალოთ.
user