ბირჯე აქალაი ცნობილი თურქი მსახიობია, მას ქართველი მაყურებელიც კარგად იცნობს. მწვანეთვალება ბირჯე ბავშვობაში ბალერინობაზე ოცნებობდა, მაგრამ ტრავმამ აიძულა მომავალი შეეცვალა. ბირჯე ძლიერი და მიზანდასახული ქალია.
- მის ცხოვრებაში პოპულარობა ნელ-ნელა მოვიდა. ორი წარუმატებელი ქორწინების მიუხედავად მისი რწმენა სიყვარულის მიმართ არ განელებულა.
თურქული კინოს ვარსკვლავი 1984 წლის 19 ივნისს სტამბოლში დაიბადა. ოჯახში ერთადერთი შვილი იყო, ამიტომ მშობლები დიდ დროს უთმობდნენ მის აღზრდას. აქალაის დედა დიასახლისი იყო, მაგრამ ქალი სწავლობდა მუსიკას და ხატვას, კარგად ერკვეოდა პოლიტიკაში. მამა კონდიცირების კომპანიას ფლობდა სტამბოლში.
აქალაის თქმით, მამის კომპანიას ოჯახისთვის სტაბილური შემოსავალი არ მოუტანია. ხანდახან ჯიბის ფულიც არ ჰქონდა. მშობლები ერთადერთ ქალიშვილს თავისუფლად ზრდიდნენ.
სამი წლის ასაკში გოგონამ ბალეტის შესწავლა დაიწყო და ბედნიერ მომავალზე ოცნებობდა. ბირჯე დარწმუნებული იყო, რომ ცნობილი მოცეკვავე გახდებოდა და მოგვიანებით საკუთარი საბალეტო სკოლა ექნებოდა. 2000 წელს მიღებულმა ტრავმამ მისი კარიერა დაანგრია. ბუნებით მეოცნებე მსახიობი, სასტიკი რეალობის წინაშე აღმოჩნდა, რისთვისაც მზად არ იყო.
სხვა გზა არ ჰქონდა, პროფესია უნდა შეეცვალა. 2003 წელს საშუალო სკოლის დამთავრების შემდეგ, სტამბოლის უნივერსიტეტში ჩაირიცხა, გადაწყვიტა თეატრის კრიტიკოსი გამხდარიყო. მალევე მიხვდა რომ არასწორი არჩევანი გააკეთა. ერთ წელიწადში აკადემიური აიღო და სამოდელო სააგენტოში ნახევარ განაკვეთზე მუშაობდა, შემდეგ კი სილამაზის კონკურსში სცადა ბედი.
2004 წელს “მის თურქეთის“ კონკურსზე მე-3 ადგილზე გავიდა. გოგონას ადგილობრივ ტელევიზიაში მუშაობა შესთავაზეს, სადაც სამი წლის განმავლობაში სპორტული გადაცემა მიჰყავდა. ტელევიზიაში მუშაობისას გადაწყვიტა მსახიობობა ეცადა და უნივერსიტეტში თავიდან ჩააბარა. 2006 წელს კი აქალაის დებიუტი შედგა და ეპიზოდური როლი მიიღო სერიალში “Destiny”, ხოლო ერთი წლის შემდეგ გამოჩნდა სხვა სერიალში “ასი”.
მსახიობი თავისი გასაოცარი გარეგნობის წყალობით მალე შენიშნეს. 2007 წელს მან ითამაშა ფილმში “Alarm”, ხოლო ერთი წლის შემდეგ მელოდრამებში “ზამთრის ზღაპარი” და “აჯანყება”.
მაგრამ აქალაის პოპულარობამ პიკს მიაღწია, როდესაც ითამაშა სერიალში “ცასა და დედამიწას შორის”. მისი გმირი დასთან ერთად სასიყვარულო სამკუთხედში აღმოჩნდება. ასიათასობით თურქი მაყურებელი დაძაბული ადევნებდა თვალს სერიალს. კრიტიკოსების შეფასებით მან შეძლო ძლიერი და მიზანდასახული ქალის თამაში ეკრანზე.
2013 წლიდან-2016 წლამდე კიდევ ოთხ სერიალში გადაიღეს. 2017 წელს კი ბირჯესთვის კიდევ ერთი მნიშვნელოვანი პროექტი გამოვიდა “შავ-თეთრი სიყვარული”, რომელიც პოპულარული გახდა არა მხოლოდ თურქეთში, არამედ საერთაშორისო მასშტაბით.
2020 წელს მსახიობი ეკრანზე დაბრუნდა სერიალით “ბაბილონი”. ბირჯეს კარიერა და პირადი ერთმანეთში აირია, როდესაც პროექტზე “ცასა და დედამიწას შორის” მუშაობისას თავისი პარტნიორი, მურატ იუნალმიში შეუყვარდა. ისინი 2011 წელს დაქორწინდნენ. მაგრამ რამდენიმე თვის შემდეგ, წყვილს შორის კონფლიქტი დაიწყო და 2013 წელს წყვილი დაშორდნენ.
ერთი წლის შემდეგ, სერიალის “პატარა ბოსი” გადასაღებ მოედანზე, აკალაიმ მსახიობი სარფ ლევენდოღლუ გაიცნო და რამდენიმე თვეში მეორედ იქორწინა. ისინი ყველგან ერთად დადიოდნენ, თითქოს მათ შორის იდილია იყო. თუმცა 2017 წელს ცნობილი გახდა, რომ ბირჯე და სარფი განქორწინდნენ.
თურქული ტაბლოიდები წერდნენ, რომ ლევენდოღლუ დაჟინებით მოითხოვდა ქალს შვილი გაეჩინა, მაგრამ აქალაის, რომლის პოპულარობაც მხოლოდ თურქეთით აღარ შემოიფარგლებოდა, არ სურდა კარიერაში ხანგრძლივი შესვენება აეღო. ბირჯე სტამბოლში გადაღებებზე იყო, როდესაც მისი ქმარი კურორტზე პაპარაცებმა სხვა ქალთან ჩახუტებული გამოიჭირეს. მსახობი ამ ამბის შემდეგ ქმარს დაშორდა.
“ბავშვებზე და ქორწინებაზე ფიქრი მაშინებს”, – აღიარა ბირჯემ. ორი წლის წინ, მსახიობს გულზე პრობლემები აღმოაჩნდა. ექიმების დროული ჩარევით სიკვდილს გადაურჩა/
- საინტერესო ფაქტები ბირჯეს შესახებ
ბირჯე კარგად მღერის, რამდენიმე კომპოზიცია თურქული რადიოს ჩარტებში ლიდერობდა.
მსახიობს ბევრი პლასტიკური ოპერაცია აქვს გაკეთებული. მათ შორის რინოპლასტიკა და ის რეგულარულად იყენებს ფილერს ტუჩის შესავსებად.
ბირჯეს რამდენიმე ტატუ აქვს. ხელზე პეპელა, ფეხზე კი კატა. მაჯაზე პირველი ქმრის სახელი ჰქონდა ტატუირებული, მაგრამ განქორწინების შემდეგ შეასწორა და ყვავილად გადააკეთა. იგივე მოხდა მეორე ქმრის სახელთან დაკავშირებით. მსახიობს მისი სახელის შესწორებაც მოუწია.
- გაოგნებული გულშემატკივრები
ბირჯემ კიდევ ერთხელ ჩააგდო შოკში ფანები, როდესაც ერთ დღეს ეკლესიაში სანთლის დანთებისას გადაღებული ფოტოები გამოაქვეყნა. აქალაი ფოტოებზე წერდა, რომ შობა მისი საყვარელი პერიოდია. გულშემატკივრებს კითხვები გაუჩნდათ მის რელიგიასთან დაკავშირებით, თუმცა აქალაის მათი კითხვებისთვის პასუხი არ გაუცია. სხვადასხვა წყაროებში ვკითხულობთ, რომ ის მუსლიმია, თუმცა ეს ხელს არ უშლის, რომ ქრისტიანულ ტაძარშიც მივიდეს.
“ეს ფოტოები არაფერს ნიშნავს, ბევრი ქრისტიანი დადის მეჩეთში ან სინაგოგაში და პირიქით, ამაში ხელს არ უშლით თავისი რელიგია”.
“დადიან, მაგრამ ისინი სანთლებს არ ანთებენ…“ – წერენ კომენტარებში. ფანების ნაწილის აზრით, ბირჯემ სარწმუნოება შეიცვალა, თუმცა ამის შესახებ თვითონ მსახიობს არაფერი უთქვამს.
Ambebi.ge